«Sıfrlyq Qazaqstan – bolashaqqa baǵdar» taqyrybyndaǵy is-sharalar aıasynda maýsym aıynda bastaý alǵan «Sıfrlan! Trendte bol!» aksııasyna qatysýshylar sany artyp keledi. Jastar, stýdentter óz qatarlastaryn úıretip otyr. Aksııaǵa qalanyń Máslıhat depýtattary, Qoǵamdyq keńes músheleri de qoldaý kórsetip qatysty. Aldaǵy ýaqytta mundaı sharalardyń mańyzdylyǵy artyp, sıfrlyq saýatty turǵyndar kóbeıe beredi dep úmittenemiz», deıdi shara uıymdastyrýshysy, halyqaralyq «Janashyr» qorynyń prezıdenti Jańyl Ápetova.
Shara barysynda «Azamattarǵa arnalǵan úkimet» memlekettik korporasııasy Almaty qalasy fılıalynyń mamandary Túrksib aýdanynyń ártúrli sanattaǵy turǵyndaryna elektrondyq úkimet portalynan sıfrlyq qyzmetterdi alý, ESQ-ny, smartfondaǵy Telegram qosymshasynyń Egovkzbot jáne Mgov qosymshalaryn paıdalaný joldaryn úıretti.
Korporasııanyń Túrksib aýdandyq front-ofıs basshysynyń orynbasary Gýnarı Matsýba onlaın rejimde alýǵa bolatyn memlekettik qyzmetter jaıly baıandasa, mamandar árbir qyzmetti alýdy qadam boıynsha slaıdpen túsindirdi. Qoldaǵy telefon arqyly da memlekettik qyzmetti alýǵa bolatynyn estigen aǵa býyn, tańdanystaryn jasyra almady.
Sharaǵa qatysqan Almaty qalasy Qoǵamdyq keńesi prezıdıýmynyń múshesi Maıra Saǵymbekova «Sıfrlyq Qazaqstan» memlekettik baǵdarlamasynyń mańyzdylyǵyna toqtaldy.
Aıta keteıik, qazirgi ýaqytta telegram-bot (@EgovKzBot) arqyly memlekettik qyzmetterdiń 25 túri qoljetimdi. Bul mekenjaı anyqtamalaryn, zeınetaqy aýdarymdary týraly anyqtamalardy, psıho jáne narkodıspanserden anyqtamalardy, sondaı-aq kezekti onlaın brondaý, dárigerdi úıge shaqyrý sııaqty basqa da anyqtamalardy alýǵa bolady.
Mobıldi mGov.kz qosymsha arqyly bilim berý, otbasy, jyljymaıtyn múlik, densaýlyq saqtaý syndy salalar boıynsha toqsan memlekettik qyzmet qoljetimdi.
Smartfon ıeleri bul qosymshany byltyr 1,3 mln ret júktep, 3,6 mln qyzmet alǵan.
Reestrdegi 752 memlekettik qyzmettiń 506-sy, ıaǵnı 67%-y elektrondyq formatta qoljetimdi. Jyl ótken saıyn elektrondyq jolmen kórsetiletin qyzmet sany ósip otyrady, 2020 jyly onyń úlesi 90% quraýy tıis.
Búginde halyqtyń sıfrlyq saýattylyǵynyń deńgeıi 77%-ǵa jetti. 2022 jylǵa qaraı ony 83% -ǵa deıin arttyrý kózdelgen.
Shara Aqparat jáne qoǵamdyq damý mınıstrligi Azamattyq bastamalardy qoldaý ortalyǵynyń qoldaýymen «Rýhanı jańǵyrý» baǵdarlamasyn ilgeriletý taqyrybyndaǵy joba aıasynda ótti.