О́rt tabıǵı parktiń 40 gektar aýmaǵyn sharpyǵan. О́rtti sóndirýge 150 adam, 30 tehnıka jumyldyrylǵan. Arnaıy tehnıka, mamandandyrylǵan, oblystyq órt sóndirý jáne avarııalyq-qutqarý qyzmetiniń mamandary jiberilgen.
Aýdan ákimdiginiń málimetinshe, órt 14 shildede bastalǵan. Sońǵy kúnderi óńirde aptap ystyq bolyp turǵany málim. Biraq, ázirge órttiń neden bolǵany týraly naqty aqparat joq.
Qazirgi ýaqytta órt sóndirý jumystary áli de júrgizilýde.
Jalpy, tabıǵı parktiń jalpy aýmaǵy 68452,8 ga quraıdy. Park Baıanaýyl, Jasybaı, Dalba sekildi bólimshelerden turady.
Qoryq rejımi, ekologııalyq turaqtandyrý, týrıstik jáne rekreasııalyq, shekteýli sharýashylyq qyzmet aımaqtaryna bólingen. Aýmaqta 13 týrıstik baǵyt bekitilgen.
Sonymen birge, О́skemennen jiberilgen Mı-8 tikushaqtary orman aýmaǵyn áýeden baqylaýda, ekinshisi 2,5 myń tekshe sýmen órtti sóndirýde.
Qazir órt aýmaǵynda kúndiz-túni parktiń, aýdandyq ákimdiktiń, oblystyq orman jáne janýarlar dúnıesi aýmaqtyq ınspeksııasynyń, oblystyq órt sóndirý jáne avarııalyq-qutqarý jumystary qyzmetiniń qyzmetkerleri de birlese jumys jasaýda.