Suraqtardyń basym kópshiligi kóshi-qon men jol qozǵalysy erejelerine qatysty boldy. Azamattardy oblystyq PD bastyǵynyń mindetin atqarýshy, polısııa polkovnıgi Nyǵmet Ismaǵulov jáne basqa da qyzmet bastyqtary qabyldady.
Aksııa osy jyly tórtinshi ret ótkizilip otyr,halyqpen tyǵyz baılanysta bolý nátıjesin berýde. Turǵyndar tarapynan kelip túskenusynystardy qabyldaı otyryp, qaladaǵy tártip, atap aıtqanda, jol qozǵalysy erejelerin saqtaý jaqsardy. Mysaly, 2019 jyldyń 6 aıynda Qostanaı oblysynyń aýmaǵynda jol-kólik oqıǵasy 7,1 prosentke, qaza bolǵandardyń sany 5prosentke tómendegen. Jol qozǵalysy qaýipsizdiginiń aldyn alý maqsatynda 2019 jyly 7 jedel-profılaktıkalyq sharalar men aksııalar uıymdastyryldy. «Qaýipsiz jol», «Nazar aýdaryńyz, jaıaý júrginshi!», «Avtobýs» jáne«Joldaǵy qabyldaý» aksııalary tabysty ótti.
«Jolda qabyldady» aksııasynda polısııa kómegine 100-den astam adam júgindi. Sondaı-aq azamattardy qabyldaý Oblystyq polısııa departamentiniń «Instagram», «Feısbýk» áleýmettik jelilerinde tikeleı efırde kórsetildi. Áleýmettik jeli paıdalanýshylar tikeleı efırde óz suraqtaryn qoıyp, keńester men naqty jaýaptar aldy. Tikeleı efırge 600-ge jýyq jeli paıdalanýshysy qosylyp, 30-dan astam suraq qoıdy» deıdi oblystyq polısııa departamenti baspasóz qyzmetiniń qyzmetkeri Kenje Qonysbaı.