«Úlken isti bastarda ardaqty aqsaqaldyń batasyn alyp bastaýdy jón kóretin halyqpyz. Qazaq – qashan da qartyn qazynam dep tanyp, úlkenin syılaı bilgen halyq. Sodan da bolar bizde urpaqtar sabaqtastyǵy berik ornyqqan. Búgingi kezdesýge óziniń izgilikti isimen, aqyl-parasatymen, adamgershilik qasıetterimen elge tanylǵan bedeldi ardagerlerimiz qatysyp otyr. Sizderdiń árbirińizdiń Syr óńiri úshin oryndaryńyz bólek. Kezinde eseli eńbek etip, el mereıin asyrǵan Sizder zeınetkerlikke shyqsańyzdar da úıde qarap jatpaı qoǵamǵa qajetti isterge belsene aralasyp kelesizder. Syr óńiri búgingi kúni ilgeri damyp jatqan óńir ekenin bilesizder. Aıta ketsem deımin, búginge deıin qol jetkizgen barsha jetistikterimiz – Elbasymyz Nursultan Ábishuly Nazarbaevtyń Syr eline degen erekshe qamqorlyǵy men maǵan deıin oblysty basqarǵan azamattardyń eńbegi. Sonyń ishinde oblysty alty jyl abyroıly basqaryp, agrarly aımaqtan irgeli ındýstrııaly-agrarly aımaqqa aınaldyrǵan Qyrymbek Eleýuly Kósherbaevtyń úlesi sheksiz. Biz bul isterdi ári qaraı jalǵastyryp, jetistikterdi eseleı beretin bolamyz», dedi aımaq basshysy.
Qyzylorda oblysynyń ákimi Qýanyshbek Ysqaqov oblys ardagerleri jáne zııaly qaýym ókilderimen kezdesti.