Bıyl jyl basynan beri oblys ortalyǵyndaǵy ónerkásip oryndary 387,6 mlrd teńgeniń ónimin óndirgen. Negizgi kapıtalǵa salynǵan ınvestısııa kólemi 38,2 mlrd teńgeni quraıdy.
Al, «Pavlodar» arnaıy ekonomıkalyq aımaǵynda hımııa, munaı-hımııa jáne metallýrgııa baǵyttaryndaǵy 10 kásiporyn ashylyp, ónimderin syrtqa eksporttaýda.
Aımaqtaǵy kásiporyndar óndiris kólemi 22,2 mlrd teńgege jetkizgen. Aldaǵy ýaqytta munda ınvestısııa kólemi 206,7 mlrd teńge bolatyn 22 joba júzege asyrylady. Bıyl quny 11 mlrd teńge turatyn 7 joba iske qosylmaq.
Qala ákimi Qaırat Núkenovtyń aıtýynsha, bıyl «Bıznestiń Jol kartasy - 2020» baǵdarlamasy aıasynda 2,2 mlrd teńgege 79 joba maquldanǵan.
Jyl basynan beri 10 jańa bıznes ortalyq jumysyn bastasa, jyl sońyna deıin taǵy 43 nysan ashylmaq.
Qarjylandyrýdyń barlyq kózderi esebinen 46,4 myń sharshy metr turǵyn úı paıdalanýǵa berildi. Bıýdjettik qarajattar esebinen salynǵan Saryarqa shaǵyn aýdanyndaǵy №15 turǵyn úıdiń qurylysy aıaqtaldy.
Sonymen qatar, jyl sońynda paıdalanýǵa beriletin 9 turǵyn úıdiń qurylysy júrgizilýde.
Jıyn sońynda depýtattar jalpy jyl boıy qalalyq ákimdiktiń atqarǵan jumystaryna oń baǵa berdi.
Jýyrda ǵana qala ákimi bolyp taǵaıyndalǵan Qaırat Núkenovke máslıhat depýtattary sáttilik tiledi.