Osy ýaqyt aralyǵynda kompanııa jańa smartfonnyń dızaıny men tehnıkalyq múmkindikterin jaqsartýǵa qatysty jumys júrgizgenin jáne alǵashqy tanystyrylymda oryn alǵan olqylyqtardy túzetýge tyrysqanyn habarlady. Telefonnyń ekrany men qorǵanys qabaty qaıta tekserilip, jınalatyn bóligindegi tehnologııalar kúsheıtilgen. Jańa qurylǵy mobıldi telefondar naryǵynda jańalyq jasaýǵa nıetti.
Samsung-tiń alǵashqy jınalmaly smartfonynyń baǵasy áli belgisiz. Alaıda sarapshylar jańa qurylǵy 2 myń dollar shamasynda bolady dep boljaýda.
Samsung jınalmaly telefonyn básekelesi qytaılyq Huawei-den buryn tanystyrýǵa asyǵady. Sebebi Huawei de osy aıda dál osyndaı ońaı planshetke aınalatyn jańa jınalmaly telefon úlgisin satylymǵa shyǵaratynyn habarlaǵan.
Sondaı-aq qyrkúıek aıy smartfondar naryǵy úshin jańalyqqa toly bolmaq. Sala alyptarynyń biri Apple óziniń úsh jańa iPhone 11 smartfondar úlgisin tanystyrady dep kútilýde.