Memleket basshysy Qazaqstan halqynyń jáne jeke óziniń atynan Borıs Djonsondy Ulybrıtanııa Birikken Koroldiginiń jáne Soltústik Irlandııanyń Premer-Mınıstri laýazymyna saılanýymen quttyqtady.
«Basqarýshy Torı partııasynyń kóshbasshysyn saılaýdaǵy Sizdiń aıqyn jeńisińiz Ulybrıtanııanyń ıgiligi jolynda qol jetkizgen tańqalarlyq tabystaryńyzdyń jáne adal qyzmetińizdiń moıyndalýyn kórsetedi», – delingen jedelhatta.
Memleket basshysy Qazaqstan men Ulybrıtanııanyń strategııalyq seriktestikti berik dostyq, ózara senim men túsinistik negizde damytyp otyrǵanyn atap ótti. Qazaqstan Prezıdenti ekijaqty yntymaqtastyqty odan ári nyǵaıtýǵa jáne jańa ınvestısııalyq múmkindikterdiń ashylýyna senim bildirdi.
Qasym-Jomart Toqaev Borıs Djonsonǵa jańa qyzmette tabys, sondaı-aq, brıtan halqyna baq-bereke tiledi.