Almatynyń Qoǵamdyq densaýlyq basqarmasy 1-30 tamyz aralyǵynda qalanyń sapaly medısınalyq qyzmetke zárý aýdandaryna mobıldi toptardy jiberedi.
Densaýlyq aılyǵyna basqarmanyń Almaty qalasyndaǵy vedomstvolyq baǵynyshty medısınalyq uıymdary qatysady. Aılyqtyń maqsaty – medısınalyq qyzmetke bir qadam jaqyn bolýdy qamtamasyz etý.
Basty mindet – birinshi kezekte balalardyń, azamattardyń densaýlyǵyn saqtaý men nyǵaıtý jáne aýrýdyń aldyn alý. Turǵyndardy jan-jaqty tekserý úshin jyljymaly keshender qajetti qondyrǵylarmen tolyq jabdyqtalǵan.
«Terapevter, pedıatorlar, kardıologtar jáne basqa da bilikti dárigerler qabyldaýlar júrgizedi. Densaýlyq aılyǵy barysynda qalalyqtar aǵzadaǵy holesterın, qandaǵy qanttyń deńgeıin bilý úshin saraptamadan, VICh-ke jáne teri-soz aýrýlaryna qatysty ekspress- testileýden ótedi, dene salmaǵy boıynsha antropometrııalyq qorytyndy alady, kóz qysymyn ólshetip, FG arqyly tekseriledi jáne ftızıatordyń qabyldaýynda bolady. Bulardan ózge, medısına qyzmetkerleri «Halyqty tirkeýdiń regıstri» boıynsha tolyq maǵlumat beredi, mobıldi qosymshamen qalaı jumys jasaýǵa bolatyndyǵyn túsindiredi. Qalalyqtarǵa skrınıng jáne mindetti medısınalyq saqtandyrý boıynsha tolyq aqparat usynylady»,- deıdi Qoǵamdyq densaýlyq basqarmasynyń ókilderi.
Densaýlyq aılyǵy kezinde: flıýrografııa, rentgen apparattarymen jabdyqtalǵan bes mashına, eki jyljymaly medısınalyq keshen, dıagnostıkalyq qondyrǵy (EKG, Rentgen- zertteý, FGDS) qyzmet kórsetedi.