Qazaqstanda budan bylaı jaýapkershiligi joǵary laýazym ıeleri mindetti túrde narkoskrınıngten ótetin bolady. Bul týraly senatorlar qabyldaǵan «Qazaqstan Respýblıkasynyń memlekettik qyzmeti týraly» jańa zańda qarastyryldy, dep habarlaıdy Egemen.kz.
Memlekettik qyzmet isteri agenttigi tóraǵasynyń orynbasary Salaýat Muqsımovtyń aıtýynsha, endi jyl saıyn barlyq memlekettik qyzmetshiler narkologııalyq tekserýden ótýge mindetteledi. Sondaı-aq memlekettik qupııalarǵa qoljetimdiligi bar qyzmetkerler de osy tekserýden ótedi.
Onyń aıtýynsha, narkoskrınıng aldyn ala josparlanbaıdy jáne tosyn sıpatta júrgiziledi.
«Bul jerde grafık bekitilip, aldyn ala habarlaý bolmaıdy. Tekserý sheshim qabyldanǵannan keıin 48 saǵat ishinde tosyn júrgiziledi», dedi Salaýat Muqsımov.
Shyǵys Qazaqstan oblysynda jasyryn esirtki zerthanasy anyqtaldy: Kúdiktiler ómir boıyna sottalýy múmkin
Ol sondaı-aq memlekettik qyzmetshi tekserýden bas tarta almaıtynyn atap ótti. Onyń aıtýynsha, bas tartý kúdiktiń negizdiligin moıyndaý retinde qarastyrylyp, qyzmetti jalǵastyrýǵa múmkindik bermeıdi.
«Zań alǵash ret esirtki zattaryn qoldanýdy memlekettik qyzmetke kir keltiretin áreket retinde qarastyrady. Bul qyzmetten bosatýǵa negiz bolady», dedi agenttik ókili.
Astanada jaldamaly páterlerde esirtki saqtaǵan kúdikti ustaldy
Sonymen qatar, narkoskrınıngten ótý memlekettik qyzmetshilerdiń óz qarajaty esebinen júzege asady. Degenmen zańda tekserý kúni men odan keıingi jarty kúnge demalys berý qarastyrylǵan.
Nurbolat AMANBEK