Túrkistan oblysynda «Qazkrahmal» zaýyty salynyp jatyr. Quny 35 mlrd teńgeni quraıtyn bul kásiporyn elimizdegi alǵashqy ári Ortalyq Azııadaǵy júgerini tereń óńdep, joǵary qosylǵan quny bar ónim shyǵaratyn eń iri keshen bolmaq, dep jazady Egemen.kz.
Joba óńdeý ónerkásibin damytýǵa jáne óńir ekonomıkasyn ártaraptandyrýǵa baǵyttalǵan. Eki kezeńdi qamtıtyn jobanyń alǵashqysynda astyqty qabyldaý, keptirý jáne saqtaý úshin bazalyq ınfraqurylym quryldy. Qazir paıdalanýǵa berilgen. Ekinshi kezeń barysynda tereń óńdeý óndiristik kesheniniń qurylysy qarqyndy júrgizilip jatyr.
Zaýyt tolyq iske qosylǵannan keıin jylyna 150 myń tonnaǵa deıin júgeri óńdep, 26 túrli ónim shyǵarady. Olardyń qatarynda taǵamdyq glıýkoza, maltozaly shárbat, júgeri maıy, krahmal jáne qurama jem bar. О́ndiris qaldyqsyz sıkl qaǵıdaty boıynsha uıymdastyrylyp, tek GMO-syz tabıǵı shıkizat qoldanylady. Osyǵan baılanysty óńirde júgeri egis alqaptaryn ulǵaıtý jumystary qolǵa alynǵan. Jańa alqaptar Túrkistan oblysynyń Shardara, Jetisaı jáne Maqtaaral aýdandarynda ıgerilip jatyr.
Almatyda qytaılyq kompanııa zamanaýı qoqys óńdeý zaýytyn salady
Kásiporynnyń tehnologııalyq jaraqtandyrylýy 80% deńgeıinde avtomattandyrylǵan, bul ónim sapasyn joǵary deńgeıde baqylaýǵa, óndiristik shyǵyndardy azaıtýǵa jáne taýarlardyń básekege qabilettiligin arttyrýǵa múmkindik beredi. Joba aıasynda ozyq halyqaralyq tehnologııalar engizilip, sheteldik mamandardyń tájirıbesi eskeriledi.
Zaýyt ónimderi Qazaqstannyń ishki naryǵyna, sonyń ishinde taǵam jáne farmasevtıka ónerkásibine baǵyttalady, sondaı-aq Azııa men Eýropa elderine eksportqa shyǵarylady. Júgeri krahmaly, shárbattar jáne basqa da ónimder túrli ónerkásip salalarynda keńinen qoldanylady, bul kásiporynnyń eksporttyq áleýetin kúsheıtedi.
Soltústik Qazaqstan oblysynda aǵash óńdeý zaýyty salynady
Bolashaqta zaýyt qýatyn jylyna 300 myń tonnaǵa deıin arttyrý jáne álemniń 100-den astam kompanııasymen halyqaralyq áriptestikti tereńdetý josparlanyp otyr.