Batys Qazaqstan oblysyndaǵy 15 salalyq jáne jergilikti kásipodaq uıymdarynyń quramynda 75 myńǵa jýyq adam bar. О́ńirde kásipodaqtar aıasy jyldan jylǵa keńeıip keledi.
Sońǵy bir jyl ishinde Aq Jaıyq óńirinde «SENIM» densaýlyq saqtaý júıesi qyzmetkerleriniń salalyq kásiptik odaǵy jáne «Yntymaq» orta jáne kishi bıznes jumyskerleriniń kásipodaǵy quryldy. Munan ózge jańadan qurylǵan 59 bastaýysh kásipodaqtar esebinen kásipodaq músheleriniń sany 10755-ke artqan.
- Kásipodaqtar ortalyǵy Qazaqstan Respýblıkasy «Kásiptik odaqtar týraly» Zańymen birge basqa da normatıvtik-quqyqtyq zańdardy basshylyqqa ala otyryp, óz jumysyn oblysymyzda qyzmet atqaryp otyrǵan salalyq, jergilikti jáne bastaýysh kásipodaq uıymdarymen birlese júrgizip keledi, deıdi «BQO kásipodaqtar ortalyǵy» aýmaqtyq kásipodaqtar birlestiginiń tóraǵasy Amangeldi Taspıhov.
Bul salada bıylǵy úlken oqıǵanyń biri – «Qarashyǵanaq Petrolıým Opereıtıng B.V.» kompanııasy qyzmetkerleriniń jergilikti kásipodaq uıymy» qoǵamdyq birlestigi bıyl jyl basynan 2019-2021 jyldarǵa arnalǵan ujymdyq shartyn qoldanysqa engizdi. Ujymdyq shartta osy kezge deıin qoldanysta bolǵan áleýmettik paketti jetildirip, qyzmetkerlerdiń ál-aýqaty deńgeıin odan ári jaqsartý baǵytynda qabyldanǵan. «Ujymdyq shart boıynsha ár jyl saıyn 1 qańtardan barlyq jumysshylardyń jalaqysyn resmı qunsyzdaný deńgeıinen tómen emes deńgeıde ındeksteýdi júrgizý sharty aldaǵy merzimge de saqtaldy. Qosymsha jalpy ındeksteýden bólek barlyq jumysshylardyń jalaqysyn 2019 jyly – 2,0%, 2020 jyly - 1,0%, 2021 jyly 0,5% ulǵaıtý, jumysqa qabyldaý kezindegi jalaqy deńgeıin 170 000 teńgeden tómen emes deńgeıde belgileý sharalary da osy ujymdyq sharttyń eńbek adamynyń jaǵdaıyn jaqsartýda jyldar boıyna jasalyp otyrǵan oń úrdisterdiń jalǵasy deýge bolady», deıdi Amangeldi Taspıhov.
«BQO kásipodaqtar ortalyǵy» aýmaqtyq kásipodaqtar birlestiginiń tóraǵasynyń aıtýynsha, kásipodaqtar ujymdaǵy eńbek daýlarynyń aldyn alý maqsatynda bıylǵy 15 naýryz kúni kásipodaqtar ortalyǵy men Oral qalasynyń №2 soty arasynda eńbek daýlary men jarııa-quqyqtyq qatynastardan týyndaǵan daýlardyń aldyn-alý maqsatynda ózara yntymaqtastyq Memorandýmyna qol qoıǵan. Memorandýmǵa sáıkes №2 sotynyń sýdıalary men kásipodaq ókilderi búginde oblystyń kásiporyn uıymdarynda túsindirme jumysyn júrgizýde.
- Jalaqy máselesi – búgingi kúngi eń ózekti taqyryp. Kásipodaqtar bul máseleni erekshe nazarda ustaıdy. Oblystaǵy iri óndiris uıymdarynyń biri «Batys Sý arnasy» JShS kásipodaqtyń bastamasymen ár jyl saıyn 1 qańtardan barlyq jumysshylardyń jalaqysyn resmı qunsyzdaný deńgeıinen tómen emes deńgeıde ındeksteýdi júrgizip otyr, «BatQazTEK» AQ kásipodaqtyń bastamasymen mamyr aıynan bastap jumysshylardyń jalaqysyn resmı qunsyzdaný deńgeıinen 4% ǵa ındeksteýdi júrgizip, maýsym aıynan jumysshylardyń jalaqysyn 10% ulǵaıtty. «Qarashyǵanaq Petrolıým Opereıtıng B.V.» kompanııasy qyzmetkerleriniń jergilikti kásipodaq uıymy» QB óz tarapynan jumys berýshige jumysshylardyń jalaqysyn kóterý máselesi jóninde resmı hat joldady. Memlekettik bank mekemeleri jáne qoǵamdyq qyzmet kórsetý qyzmetkerleri salasynda da maýsym aıynan memlekettik qyzmetkerlerdiń jalaqysy sanatyna qaraı 15% jáne 30% artty, dedi Amangeldi Taspıhov BQO О́ńirlik kommýnıkasııalar qyzmetiniń aqparat alańynda ótken baspasóz máslıhatynda.
«SENIM» densaýlyq saqtaý júıesi jumyskerleriniń salalyq kásiptik odaǵy» Respýblıkalyq qoǵamdyq birlestigi BQO fılıalynyń tóraǵasy Mahambet Qusaıynovtyń aıtýynsha, búginde quramynda 10 140 múshesi bar ortalyq atqarǵan oń jumys jeterlik. Kásipodaq múshelerine elimizdegi Mankent, Aqjaıyq, Kóktem, Merke, Shortandy, Saryaǵash shıpajaılaryna joldama beriledi. Kásipodaq jarǵysyna sáıkes, bastapqy uıym jınalǵan múshelik jarnanyń 65% mólsherin ózderi paıdalanady. «SENIM» kásipodaq quramyndaǵy medısınalyq kolledj stýdentterine aı saıynǵy ataýly aqy tólenip keledi. Kásipodaqtyń 581 stýdent múshesi jarna tóleýden bosatylǵan. Týberkýlezben aýyrǵan jáne ambýlatorııalyq emdelýde júrgen medısınalyq JOO men kolledj stýdentterine áleýmettik qoldaý kórsetý qarastyrylǵan. Sondaı-aq oblysta tórt jas maman 500 myń teńge kóleminde kótermeaqy túrinde materıaldyq kómek alsa, eki jas mamanǵa turǵyn úı qunynyń 20%-y mólsherinde materıaldyq kómek berilgen.
Batys Qazaqstan