Sársenbi, 27 aqpan 2013 7:43
«Nur Otan» halyqtyq-demokratııalyq partııasy Tóraǵasynyń birinshi orynbasary Baýyrjan Baıbek 26 aqpanda jumys babyndaǵy saparmen Aqmola oblysynda boldy.
B.Baıbek aldymen Býrabaı aýdanyndaǵy «Jańa-bas» et óńdeý keshenine bardy. Onyń sózine qaraǵanda, jańa turpatty kásiporynǵa burylýdyń ózindik sebebi bar eken.
Sársenbi, 27 aqpan 2013 7:43
«Nur Otan» halyqtyq-demokratııalyq partııasy Tóraǵasynyń birinshi orynbasary Baýyrjan Baıbek 26 aqpanda jumys babyndaǵy saparmen Aqmola oblysynda boldy.
B.Baıbek aldymen Býrabaı aýdanyndaǵy «Jańa-bas» et óńdeý keshenine bardy. Onyń sózine qaraǵanda, jańa turpatty kásiporynǵa burylýdyń ózindik sebebi bar eken.
«Nur Otan» HDP Býrabaı aýdandyq fılıalynda jergilikti turǵyndarmen baılanys kún ótken saıyn nyǵaıyp keledi. Qoǵamdyq qabyldaýǵa júginýshiler qatary qalyńdaǵan. О́tken jyly fılıaldaǵy partııalyq baqylaý beketi respýblıkamyzda úzdik tanylýy da jurtshylyqtyń jetekshi partııaǵa senimin ǵana emes, birlesip is-qımyl jasaý júıesin kúsheıtti deýge bolady. «Jańa-basqa» atbasyn burýdyń astarynda jańa óndiris ornynyń eki jyldan astam ýaqyt boıy ónim shyǵara almaı otyrǵanyna baılanysty dabyl áser etken kórinedi.
Aýdanǵa abyroı qosqan «Bogvı» aýyl sharýashylyǵy fırmasy 2008 jyly osynaý et kombınatyn iske qosqan edi. Bul – klasterlik tizbeni qamtamasyz ete bilgen óndiris oshaǵy. Keshende avstrııalyq ozyq fırmanyń jabdyqtary ornatylǵan. Munda ár aýysymda 10 tonna et óndirilip, shujyqtyń 49 túri, buǵan qosymsha 3 tonna et ónimderi shyǵaryla bastaǵanyn gazet oqyrmandaryna jetkizgenbiz. Qazir óńirdegi iri kásiporyn toqtap tur. Jumysshylardyń basym bóligi úılerinde otyr. Kásiporyn basshylary kúrdeli jaǵdaıdy aınalym qarajatynyń jetpeıtindigimen baılanystyrady.
Atalǵan máselege qatysty «Nur Otan» HDP Tóraǵasynyń birinshi orynbasary Aýyl sharýashylyǵy vıse-mınıstri Marat Tóleýbaevtyń, «QazAgro» ulttyq kompanııasynyń basqarma tóraǵasy Dýlat Aıtjanovtyń, «Qazaqstannyń damý banki» AAQ basqarma tóraǵasynyń orynbasary Mırjan Qaraqulovtyń jáne Aqmola oblysynyń ákimi Qosman Aıtmuhametovtiń qatysýymen májilis ótkizip, tuıyqtan shyǵý sharalary qarastyryldy.
Kókshetaý qalasyna qarasty Krasnyı ıar aýylyndaǵy №3 qazaq orta mektebinde de kóńil jelpinterlik qadam jasaldy degimiz keledi. Bilim uıasy burynǵy aýdandyq partııa komıtetiniń ǵımaratyna ornalasqandyqtan, kóptegen qolaısyzdyqtar kózge uryp tur. Oblys, qala basshylyǵy mektepti qaıta qurý jumystaryn 2013 jyly aıaqtaýdy josparlaǵan eken. Munda da B.Baıbek partııalyq yqpaldy keńeıtý arqyly máslıhattardaǵy fraksııa músheleriniń belsendiligine súıene otyryp, bıýdjetten tıisti qarjynyń bólinýin qamtamasyz etý jumystaryn jandandyrýǵa usynys jasady. Usynys óńir basshylary tarapynan qoldaý taýyp, keńeıtilgen mektep aldaǵy oqý jylynda daıyn bolady degen úmit bar. Qazirgi mektep balabaqsha túrinde balǵyndardyń shýaqty kúlkisine tolmaq.
Elimizdegi jetekshi partııa Tóraǵasynyń birinshi orynbasary oblys ortalyǵyndaǵy «Nazarbaev zııatkerlik mektebinde» bolyp, «Jas Otan» jastar qanatynyń jetekshilerimen, oqý ozattarymen pikir almasty.
«Nur Otan» HDP Tóraǵasynyń birinshi orynbasary B.Baıbek sondaı-aq partııanyń oblystyq fılıalynyń kezekten tys HVI konferensııasyna qatysty. Konferensııada «Nur Otan» HDP Aqmola oblystyq fılıalynyń tóraǵasy bolyp oblys ákimi Qosman Aıtmuhametov saılandy.
Baqbergen AMALBEK,
«Egemen Qazaqstan».
Aqmola oblysy.