Bızneste servıstik qyzmet túrleri qashanda suranysqa ıe. Syrdarııa aýdany, Tereńózek kentinde otbasylyq kafe ashqan Serikkúl Esenalıeva memlekettik baǵdarlamanyń ıgiligin kórip otyr. Bıznes ıesi «Mıkrobıznes-Qyzylorda» baǵdarlamasy arqyly 5 mln teńge qarajat alyp, isin bastady dep habarlaıdy О́ńirlik kommýnıkasııalar qyzmeti.
«Kúnine 400-500 adamǵa qyzmet kórsetemiz. Kafemizge kelip-ketýshilerge dámdi taǵam, túrli táttiler usynamyz. Halyq bizdiń as mázirimizge qarap keledi. Ásirese, fýtbol matchtary kezinde kafemizge kelýshiler kóbeıedi», deıdi Serikkúl Esenalıeva.
Kásipker búginde 20 adamdy turaqty jumyspen qamtyp otyr. Keleshekte 300 oryndyq meıramhana salyp, halyq ıgiligi úshin qyzmet etpek.
Aýdan halqy úshin qyzmet kórsetetin taǵy bir nysan – saýda úıiniń ashylýy. Jeke kásipker Madına Omarova 2018 jyly «Bıznestiń jol kartasy 2020» baǵdarlamasynyń sýbsıdııalaý baǵyty aıasynda 22 mln teńge nesıe alyp, kásibin júrgizip otyr.
Aıta ketý kerek, «Serikbol» dep atalatyn saýda úıi Tereńózek kentindegi iri nysannyń biri. Munda taýardyń san túrli assortımentteri bar. Baǵasy da halyqqa qoljetimdi.
«Biz únemi saýda jasaımyz. О́zimizge kerektiginiń barlyǵyn osy saýda úıinen tabamyz. Qyzmet sapasy da kóńilden shyǵady», deıdi kent turǵyny Dana Dilhanova.
Jalpy Syrdarııa aýdanynda kásipkerlik nysandary kóptep ashylýda. Aýdanda qazirge deıin 2200 shaǵyn jáne orta kásipkerlik sýbektileri tirkelgen.
Qyzylorda oblysy