Oblys ortalyǵyndaǵy qoǵamdyq kólikterge QR-kod arqyly tólem jasaý júıesiniń pılottyq jobasy engizildi.
Jol aqysyn elektrondyq ádispen óteý jolaýshylar úshin birden-bir tıimdi ádis bolmaq. «4 a» avtobýsynyń ishinde ornalasqan QR-kodyn skanerleý arqyly jolaqyny tez-aq tóleýge bolady.
«Turǵyndar jol aqysyn qolma-qol aqshasyz tóleý úshin uıaly telefonda Halyq nemese Hoým bankiniń mobıldik qosymshasy bolýy kerek. Osy qurylǵynyń kómegimen kamerany qosyp, avtobýstaǵy QR-kodty sýretke túsirseńiz jetkilikti. Birer sekýndtan soń bılet qolyńyzǵa tıedi. Onda tólengen aqy mólsheri, bılettiń nómiri jáne qandaı kólikte ekeni jazylyp turady. Ýaqyty men kúnine deıin belgilenedi. Paıdalaný mehanızmi qarapaıym», deıdi “Qazaqstan Halyq banki” AQ SQOF tranzaksııalyq bıznes ortalyǵynyń bas menedjeri Oljas Jaqypov.
Qazir bas shaharda 4 «a» baǵytynda 12 avtobýs qatynaıdy . Aldaǵy ýaqytta mundaı jańashyldyqtar 14, 4 «t» jáne 2 –shi baǵyttarda júretin qoǵamdyq kólikterge de engiziledi.
«Oblystyq jolaýshylardy tasymaldaý odaǵy» qaýymdastyǵynyń tóraıymy Galına Semenovanyń aıtýynsha, qala ishinde 270 qoǵamdyq kólik qatynaıdy. Onyń 4-ýinde múmkindigi shekteýli jandarǵa arnalǵan jeńildikter qarastyrylǵan. Endi, elektrondy bılet júıesi kezeń-kezeń boıynsha keńinen taratylmaq.
Soltústik Qazaqstan oblysy