Kóneden jetken jetigen aspabyn alǵash qolyna alyp, Yqylas halyq mýzykalyq aspaptar mýzeıi qyzmetkerleriniń kúshimen qurylǵan «Sazgen» etno-folklordyq ansambli quramynda alǵashqylardyń biri bolyp óner kórsetken Sáýle Káribaıqyzy Merekeeva jaqynda ózi tutynǵan jádigerlerdi Almaty mýzeıiniń qoryna tapsyrdy.
Almaty qalasy mýzeıler birlestigi dırektorynyń damý jónindegi orynbasary Qaırat Tarbaevtyń aıtýynsha, mýzeıtanýshy, etnograf, Sáýle Mereke elimizdegi eń alǵashqy jetigenshi qyz. Qazaq halqynyń dástúrli áýeni – rýhanı muranyń eń baı qazynasy. Máńgiliktiń eń keremet sımvoly, adam eńbegi men talantynyń, izdenisi men mahabbatynyń, qaıǵy-qasireti men qýanyshtarynyń jemisi. О́mir shyndyǵy dybystyq kórkem beınelermen kórsetetin ónerdiń ulttyq salasy – qazaq mýzykasyn, sonymen qatar elimizdiń mádenıetin, tarıhyn saqtap, zertteıtin mýzeılerdi damytýda, nasıhattaýda Sáýle Káribaıqyzynyń eńbegi erekshe.
1981 jyly qurylǵan «Sazgen» etnografııalyq ansambliniń eń alǵashqy músheleriniń biri. «Sazgenniń» bir ereksheligi orkestr músheleri mýzykalyq aspaptarda ǵana oınap qoımaı, aspaptardy zerttep, ǵylymı negizderi týraly málimetter jınaýmen aınalysyp júrgen ǵalymdar. Sáýle Káribaıqyzy Yqylas atyndaǵy halyq mýzykalyq aspaptar murajaıynda bas qor saqtaýshy bolyp jumys istedi.
Almaty mýzeıine ózi jınaǵan jádigerlerdi tapsyrýy – ónerge janashyrlyǵy dep sanaıtyn mamandar Sáýle Káribaıqyzynyń qazaq mýzykasyn zertteýdegi, saqtaýdaǵy eńbegi erekshe dep baǵalaıdy. Mýzyka bir dybystardyń úılesimdiligi ǵana emes, qazaq halqynyń eń baı rýhanı murasy, qazynasy. О́mirdiń shyndyǵyn, qubylystardy mýzykanyń, áýenniń tilimen, dybystyń kórkem beıneleri men kórsete alatyn qazaq mýzykasynyń qudiretin dáriptedi. Elimizdiń mádenıetin, tarıhyn saqtaıtyn, zertteıtin mýzeıler jumysy baǵytynda da kóptegen eńbekter jazdy. Zeınette júrse de jastardy, mektep oqýshylary qazaq óneriniń mýzyka tarıhymen tanystyrýyn jalǵastyryp keledi. Qazaq ǵylymyndaǵy aspaptaný degen úlken baǵytty damytyp, Shveısarııa, Úndistan, Fransııa, Iranda ótken festıvalderge qatysyp, qazaq mýzykasyn álemge tanytýda esh jalyqqan emes. Qyzdar ınstıtýtynda «Aqtumar» etnomýzeıin quryp, qazaqtan shyqqan qyz-kelinshekterdiń jádigerlerin, ómirbaıandary týraly zertteýlerin júrgizip keledi.
ALMATY