Búgin «Úlken dýlyǵa» sanatyna jatatyn tennısshiler arasyndaǵy eń iri týrnırlerdiń biri – AQSh-tyń ashyq birinshiliginiń irikteý syndary bastalady.
Irikteý oıyndarynda Qazaqstannyń eki oıynshysy baq synaıdy. Olar – Elena Rybakına men Aleksandr Nedovesov. Áıelderdiń álemdik reıtınginde 67 orynda turǵan 20 jastaǵy jerlesimiz Elena Rybakına tusaýkeser kezdesýinde WTA tiziminde 454 satyǵa jaıǵasqan amerıkalyq Emma Navarromen sheberlik baıqasady.
Erlerdiń álemdik reıtınginde 225 orynǵa taban tirgen Aleksandr Nedovesov Portýgalııanyń ókili Joao Domıngespen saıysqa túsedi. Pıreneı túbeginiń túlegi úzdikter tiziminde 185 oryndy enshileýde.
Al tórtkúl dúnıeniń eń úzdik tennısshileri bas qosatyn negizgi týrnır 26 tamyzda bastalady.