Qaraǵandy oblysyndaǵy Ulytaý aýdanynda ótip jatqan Aýyl jastarynyń halyqaralyq forýmyna elimizdiń ózge oblystarynan ǵana emes, TMD elderinen de qonaqtar keldi.
«Jastar jylyna» arnalǵan bul shara úsh kúnge sozylady. Forým baǵdarlamasynda semınar-trenıngter, pikirtalas alańdary, kvest jáne tımbıldıng, sondaı-aq ekskýrsııalar, alaý basynda gıtaramen án shyrqaý jáne basqa da oıyn-saýyq túrleri qamtylǵan. Jospar boıynsha jastar Áýlıetaý shyńyna shyǵyp, onyń basyna jalaý tigedi. Sonymen qatar, olar «Ulytaý Sky» áýe jylandary festıvaline jáne Jezkiik etnomádenı murasynyń ekinshi halyqaralyq festıvaliniń saltanatty ashylýyna qatysady.
Forým barysynda aýyldyń jas kásipkerlerine Qaraǵandy oblysy ákiminiń granttary tabys etildi. Naqty aıtqanda, bes aýdannan kelgen 10 jigit pen qyzǵa mıllıon teńgeden buıyrdy. Jas kásipkerler bul qarajatty sút óńdeý, avtomobıl servısi, klınıngtik qyzmetter jáne týrıstik marshrýttardy uıymdastyrý syndy kásipterin damytýǵa jumsaıtyn bolady.
Oblys ákiminiń grantyna Jańaarqa aýdanynan Bekmurat Alpysov, Erqanat Nurǵalı, Meırambek Salyqpaev, Buqar jyraý aýdanynyń ókilderi Jalǵas Qabylqaırov, Tadeı Samsonov, Ulytaý aýdanynyń jas kásipkerleri Saǵadat Muhambetov, Shet aýdanynan Saıa Oljataı, Álisher Serikbaev, Nura aýdanynyń turǵyndary Qanat Ábdiǵapar, Anastasııa Qalaeva ıe boldy.
Qaraǵandy oblysy