Memlekettik qyzmet isteri jáne sybaılas jemqorlyqqa qarsy is-qımyl jónindegi departamenttiń jańa basshysy laýazymyna Aıgúl Beıbitbaıqyzy Baıhanova taǵaıyndaldy, dep habarlady oblys ákiminiń baspasóz qyzmeti.
A.Baıhanova 1973 jyly Qyzylorda oblysynda dúnıege kelgen. Qazaq memlekettik basqarý akademııasyn «qarjy jáne nesıe» mamandyǵy boıynsha, Bolashaq ýnıversıtetin «quqyqtaný» mamandyǵy boıynsha támamdady. QR Prezıdenti janyndaǵy Memlekettik basqarý akademııasynyń magıstranty.
Eńbek jolyn 1992 jyly Qyzylorda oblysyndaǵy Syrdarııa aýdany boıynsha memlekettik salyq ınspeksııasynyń mamany bolyp bastaǵan. 1996 jyldan 2002 jylǵa deıin Qyzylorda oblystyq qazynashylyq basqarmasynda ártúrli laýazymdarda jumys istedi.
2002 jyly Qyzylorda oblysy boıynsha Joǵarǵy Sot janyndaǵy Sot ákimshiligi jónindegi komıtettiń qarjy máseleleri boıynsha sottar ákimshisiniń orynbasary bolyp taǵaıyndalǵan.
2005-2007 jyldary Astana qalasy boıynsha qarjy departamentinde ár túrli laýazymdarynda jumys atqardy.
2007-2009 jyldar aralyǵynda Qazaqstan Respýblıkasy Ekonomıka jáne bıýdjettik josparlaý mınıstrliginde ártúrli laýazymdarda jumys istegen.
2009 jyldan 2010 jylǵa deıin Respýblıkalyq bıýdjettiń atqarylýyn baqylaý jónindegi esep komıteti jıyntyq-taldaý bóliminiń bas sarapshysy, bas konsýltanty qyzmetterin atqardy.
2010 jyldan 2016 jylǵa deıin Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵynyń ár túrli laýazymdarynda jumys istegen.
2016 jyldyń qazan aıynan 2019 jyldyń shildesi aralyǵynda Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty qalasy boıynsha Departamentiniń basshysy bolyp qyzmet atqardy.
Qaraǵandy oblysy