Gúl ósirýshi Gúlfııa

Olaı deıtinimiz, Taýfık Omarov aqsaqal ózine ótinish-tilegin aıtyp, ynta-yqylas bildire kelgen aýyl­dastaryn erekshe tózimdilik men shydam­dylyqty qajet ete­­tin baǵ­ban­dyqtyń qupııalaryna úı­retken. Osy sebepti azan sha­qyryp qoıǵan esimi umy­tylyp, bári de «baǵban babaı» atap ketken. Bir ja­­ǵynan zaman aǵymyna beıim­­­dele otyryp otbasylyq jylyjaı bızne­siniń negizin qa­lap, tájirıbesin balalaryna qal­dyrýǵa tyrysqan. Qa­shan kózi jumylǵansha qoly­nan ket­penin tastamaı jer óńdeýden bel jazbaǵan. Baý-baqsha baptaý syryna jas­taıynan qanyǵyp ósken ol tabıǵaty tamyljyǵan, qos­alqy sharýashylyqty da­mytýǵa qolaıly óńirge kóship kel­genine esh ókingen emes. Qaıta súıikti isine birjola den qoıyp, jyl on eki aı jylyjaıdan shyqpaıtyn ádet tapqan. Ári tabysty, ári hosh ıisi ańqyp, erekshe lázzatqa bóleıtin gúlderdiń nebir túrin alys-jaqynnan aldyrtyp, artyna qaldyrǵan ólmes murasyn bala-shaǵasyna mıras etip ketken.

«Ákem jan tynyshtyǵyn ózi ósirgen gúlderdiń ortasynan tabýshy edi. Onyń óz ká­sibine berilgen adaldyǵy men kónbistigi qaıran qaldy­ratyn. Adamdar gúldiń tuqym­daryn alý úshin alystan ar­naıy izdep keletin. Úı ma­ńaıynyń osyndaı jasyl je­lekke malynyp turǵany – ákemniń arqasy. Kókónis ósi­rýmen de, omartashylyqpen de shuǵyldandy. Dámdiligi til úıi­retin ónimderin aýyldastary talasyp-tarmasyp alatyn. Imantaý eldi mekenin jasyl jelekke kómkerip, flora men faýnaǵa aınaldyrǵan asqar taýymyz qandaı qurmetke bolsyn ábden laıyq», deıdi qyzy Gúlfııa.

Áke jolyn jalǵastyrý maqsa­tymen Kókshetaýdan osynda qo­nys aýdarǵan kásip­ker qyzdyń da baý-baqshasy jaı­qala ósip tur. Innova­sııalyq jańalyqtardy jatsynbaıtyn onyń jylyja­ıynda petýnıa, sınııa, gaza­nııa,týnbergı, portýlak, fıal­ka, shyraıgúl, barqytgúl, gaı­lardııa deısiz be... aq, sary qyzyl, kók, ashyq qyzǵylt tústi, hosh ıisi muryn jara­tyn gúlderdi molynan kezdes­tirýge bolady. Onyń sózine qa­ra­ǵanda gúl ósirýdiń masha­qaty kóp. Jyl boıy tize búk­pesten eńbek etip, óskinder aq­pan aıynda otyrǵyzyla bas­taıdy. Ýaqtyly sýarý men du­rys baptaýdyń arqa­synda bıyl 12 sotyq jerge gúldiń júzden astam túri otyr­ǵyzylyp, pyshaq ústi sa­tylyp ketken. Eshqandaı mıneraldyq tyńaıtqysh paı­dalanbaıtyndyqtan, na­ryq­taǵy suranys jo­ǵary. Irgeles Kókshetaý, Nur-Sul­tandy aıtpaǵanda, alys qalalardan, tipti Reseıden de tapsyrys túsip jatatyny sondyqtan. Mu­nyń ózi jalań paıdany ǵana maqsat etpeı, bıznes salasynda durys baǵyt-baǵdar us­tana bilgenin de ańǵartsa kerek.

«Aýyl sharýashylyǵyn qol­daý qory» AQ arqyly jeńil­­detilgen nesıe resimdep, materıaldyq jaǵynan ońa­lyp alǵan soń bes aýyldasyna turaqty jumys taýyp bergen. Al gúlderdi egý, baptaý, satý sekildi qarbalas sátterde ju­mys kúshine degen suranys tipti artyp ketedi. Bir maýsymda jarty mıllıonǵa deıin kóshet otyrǵyzylsa, beınet pen zeınettiń ara salmaǵyn kó­zi qaraqty oqyrman birden ań­ǵarar.

Gúl ósirýshi Gúlfııa tropı­kalyq gúl túrlerin ósirý arqy­ly syrtqy naryqqa shyǵýdyń kózderin de oılastyryp qo­ıyp­ty. Nesi bar, jupar ıisi ańqyǵan, mahabbattyń, súıispen­shiliktiń sımvoly ispettes kóz jaýyn alatyn gúl­­­­­­­­derdi jurtshylyqqa syılap, alǵysqa bólenip jatsa, nesi aıyp?

Imantaý – kirse shyqqysyz aýyl. 50 otbasy «Jasyl el» kelisimi boıynsha tapsyrys qa­byl­dap, Nur-Sultan, Almaty qa­la­laryn kórkeıtýge belsene atsalysyp keledi. Olar­­­­dyń arasynda Omarovtar otba­­­synyń shoqtyǵy bıik.

Soltústik Qazaqstan oblysy