Jyl saıyn ótetin «Ertis merıdıany» atalatyn týrıster jıynyna elimizdiń óńirlerinen 13 komanda qatysýda. Bıylǵy 31-shi slet jastar jylyna arnaldy.
Uıymdastyrýshylardyń aıtýynsha, sportshylar Baıanaýyldyń ózen-sý, taýlarynda týrısterge kezdesetin tótenshe jaǵdaılardan qalaı saqtaný kerektigin kórsetti. Saıysta komandalar sýda, jaıaý júrý jáne taý týrızmi sııaqty sport túrlerinen jarysqa tústi. Qaı-qaısysy bolmasyn joldarynda kezdesken kedergilerden ótýde sheberlikterin tanytty.
Jarys barysynda sportshylar kádimgideı ekstremaldy jaǵdaıda júredi. Mysaly, Jasybaı kólinde sportshy apatqa ushyraǵan qaıyqqa jetti. Dereý jetip, olar zákir tastap, qutqarý arqanyn qaqpaǵa laqtyryp, jaǵaǵa qaıtarady. Taǵy bir sportshy qutqarý arqanynyń kómegimen shartty túrde sýǵa batyp bara jatqan adamdy jaǵaǵa jetkizdi.
Tóreshiler ekstremaldardyń sheberlikterin jyldam, joǵary, kúshti dep baǵalaıdy. О́ıtkeni, sportshylar kez kelgen jaǵdaıǵa daıyn bolýy kerek, jarystyń birinshi kúni jaýǵan jańbyr da kedergi bolmaýy kerek. Sportshylar endi 18 kezeńnen turatyn jaıaý kross jarysyna qatysady. Sońynda konkýrstar, bard ánderi men fotosýretter konkýrsynyń qorytyndysy jarııalanady.
Pavlodar oblysy