Erjan Imanzaıypov Ekibastuz qalasynyń ákimi bolyp taǵaıyndaldy. Kenshiler shaharynyń jańa basshysyn qala aktıvine Pavlodar oblysynyń ákimi Bolat Baqaýov tanystyrdy. Bul týraly Pavlodar oblysy ákiminiń baspasóz qyzmeti habarlady.
Erjan Imanzaıypovty tanystyrý kezinde aımaq basshysy onyń kandıdatýrasy Qazaqstan Respýblıkasy Prezıdentiniń Ákimshiligimen jáne qalalyq máslıhat depýtattarymen kelisilgenin aıtty.
Erjan Imanaıypov 1984 jyly dúnıege kelgen. Eki joǵary bilimi bar. 2006 jyly S.Toraıǵyrov atyndaǵy Pavlodar memlekettik ýnıversıtetin «О́nerkásiptik jylý energetıkasy» mamandyǵy boıynsha, 2010 jyly - Almaty ekonomıka jáne statıstıka akademııasyn «Qarjy» mamandyǵy boıynsha aıaqtady.
Eńbek jolyn 2006 jyly Pavlodar qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń bas mamany bolyp bastady.
2006 jyldan 2007 jyǵa deıin Qazaqstan Respýblıkasynyń Indýstrııa jáne saýda mınıstrligi Qurylys jáne turǵyn úı - kommýnaldyq sharýashylyq isteri jónindegi komıtettiń jetekshi mamany qyzmetin atqardy. 2007 - 2011 jyldary - Qazaqstan Respýblıkasy Tabıǵı monopolııalardy retteý agenttiginiń jetekshi mamany, sarapshysy qyzmetterin atqardy. 2011 jyldan 2013 jylǵa deıin - Aqmola oblysy boıynsha Tabıǵı monopolııalardy retteý departamenti dırektorynyń orynbasary, 2013 jyldan 2014 jylǵa deıin - Qazaqstan Respýblıkasy Tabıǵı monopolııalardy retteý agenttiginiń basqarma basshysy, dırektordyń orynbasary bolyp jumys istedi.
2014 jyldan 2016 jylǵa deıin - Pavlodar qalasy ákiminiń orynbasary, 2016 jyldan 2017 jylǵa deıin Ekibastuz qalasy ákiminiń orynbasary qyzmetterin atqardy.
2017 jylǵy qarasha aıynan beri Pavlodar oblysy energetıka jáne turǵyn úı - kommýnaldyq sharýashylyq basqarmasynyń basshysy boldy.