Elshi Qazaqstan men Qytaı arasyndaǵy strategııalyq seriktestiktiń qazirgi ahýaly men keleshegi jóninde óz oıyn ortaǵa saldy, sondaı-aq bıyl qyrkúıekte QR Prezıdentiniń QHR-ǵa jasaıtyn alǵashqy memlekettik saparyna daıyndyq barysy týraly baıandady. Bul týraly Aqordanyń baspasóz qyzmeti habarlady.
Prezıdenttiń pikirinshe, aldaǵy sapar – qazaq-qytaı qatynastaryndaǵy mańyzdy oqıǵa. Qasym-Jomart Toqaev Qazaqstan táýelsizdigin alǵan sátten bastap eki el arasynda ekijaqty yqpaldastyq pen halyqaralyq kún tártibine qatysty barlyq máseleler boıynsha ashyq ári syndarly dıalog ornaǵanyn aıtty.
Memleket basshysy osy dástúrdi jalǵastyrý kerektigin atap ótti. «Qazaqstan QHR-men jańa tehnologııa, aýyl sharýashylyǵy, sondaı-aq mádenı-gýmanıtarlyq salalary boıynsha yntymaqtastyqty damytýǵa múddeli», – dedi Qasym-Jomart Toqaev.