Bul týraly Syrtqy ister mınıstrliginiń baspasóz qyzmeti habarlady.
Eldiń otandyq ekonomıkasyna ınvestısııa tartý júıesin óńirlik deńgeıde tıimdi iske asyrý maqsatynda Syrtqy ister mınıstrliginiń Erekshe tapsyrmalar jónindegi elshisi Erlan Haırov Shymkent qalasynda, Túrkistan jáne Qyzylorda oblystarynda belgilengen keńester ótkizdi, onyń sheńberinde jergilikti jerlerde ınvestısııa tartýǵa jaýapty jınalysqa qatysýshylarǵa tıisti usynymdar berildi.
Sonymen qatar, jumys sapary barysynda E. Haırov óńirlik front-ofısterdiń – «Bıznes sýpermarket» (Shymkent q.) jáne «Kásipkerler úıi» (Qyzylorda q.) qyzmetimen tanysty, sondaı-aq Shymkent qalasyndaǵy birqatar ónerkásiptik nysandardy aralady. Ol kilem buıymdaryn óndiretin «Bal Tekstıl» JShS, aıaq kıim fabrıkasy «Lux Shoes» BK JShS men shulyq-uıyq ónimderin jasaıtyn «Álem BT» JShS kásiporyndaryna bardy.
Qyzylorda oblysynda qazaqstandyq SIM ókili «Orda Glass» JShS shyny zaýytynda boldy.