Jol boıynda qaıtkende tártip ornaıdy?

Jol boıynda qaıtkende tártip ornaıdy?

Seısenbi, 5 naýryz 2013 7:17

Sońǵy on jyl ishinde elimiz joldarynda jol-kólik oqıǵalary saldarynan 32 myńnan astam adam qaza taýyp, 166 myńnan astam adam jaraqat alǵan. Bul joldaǵy naqty tártiptiń joqtyǵyn bildiredi. Endeshe, qaı kezde, qashan kólik júrgizý qaýipsiz bolady? Bul suraqqa, árıne, kóptegen adam naqty jaýap bere almaıtyny anyq. Tipti onyń jaýabyn bilemin deıtin adamnyń ózi jol júrýdiń tolyqqandy qaýipsizdigine qol jetkizý amalyn engizý arman ekendigin amalsyz moıyndaıtyn shyǵar.

Seısenbi, 5 naýryz 2013 7:17

Sońǵy on jyl ishinde elimiz joldarynda jol-kólik oqıǵalary saldarynan 32 myńnan astam adam qaza taýyp, 166 myńnan astam adam jaraqat alǵan. Bul joldaǵy naqty tártiptiń joqtyǵyn bildiredi. Endeshe, qaı kezde, qashan kólik júrgizý qaýipsiz bolady? Bul suraqqa, árıne, kóptegen adam naqty jaýap bere almaıtyny anyq. Tipti onyń jaýabyn bilemin deıtin adamnyń ózi jol júrýdiń tolyqqandy qaýipsizdigine qol jetkizý amalyn engizý arman ekendigin amalsyz moıyndaıtyn shyǵar. Sony biletin tıisti bılik ókilderi jol júrý kemshiliginen talaı adam opat bolyp jatsa da odan ózderine eshqandaı jaýapkershilik salmaǵy túspeıtinine senimdi sekildi. Jolda kele jatqan kólik apatqa ushyrady ma, kisi ólimi boldy ma, bárine kináli júrgizýshilerdiń ózderi nemese tipti bolmaǵanda tabıǵat apaty áser etti deıdi. Al joldyń qandaı ekendigi, ol joldyń talapqa saı keletin-kelmeıtindigi, jol-kólik oqıǵasynyń aldyn alýǵa jol polısııasynyń jaýaptylyǵy nazarǵa alynbaıdy. Alynsa, oǵan bireý jaýap berýge tıis bolar edi.

Árıne, kólik tizginin ustaǵannan keıin júrgizýshi jol-kólik oqıǵasyna usharasa, oǵan jaýap berýge tıis. Biraq joldyń talapqa sáıkes emestiginen nemese tarlyǵynan júrgizýshi keptelekke kezigip, óziniń nemese ózgeniń kóligin soǵyp alsa, buǵan kim jaýap berýge tıis? Tipti kóshelerdegi joldyń betki qabattarynyń buzylýy, oıylýy, jer asty qubyr qudyqtary temir qaqpaqtarynyń urlanýy saldarynan qanshama kólik zııan shekti? Odan da soraqysy sol, ashyq qalǵan qudyqtarǵa talaı balalar, eresek adamdar baıqaýsyzda qulap, mert boldy. Osynyń bári jol boıyndaǵy salaqtyqtar emes pe? Tıisti bılik ókilderi buǵan jaýap beretin bolsa, qaıǵyly jaǵdaı bir qaıtalanǵannan keıin, ekinshi márte jol berilmes edi ǵoı. Joq, jylda solaı. Demek, taqtaıdaı tep-tegis, aınadaı taza, júıtkýge, oń, solǵa erkin burylýǵa keńdigi men qaýipsizdigi ha­­lyqaralyq talapqa saı jaýap beretin kólik­terge laıyq joldar joqtyń qasy degen sóz.Bar ǵoı, múlde joq joq dep aýyzdy qý shóppen súrtýge bolmas. Elimiz táýel­­siz­dik alǵannan keıin Astana men Býra­­­baı araly­ǵyna salynǵan arman joldar sekildi halyqaralyq talaptarǵa jaýap beretin tas joldar tósele bastady. Ondaı joldarda zýlaǵan kóliktiń oıda-joqta dońǵalaǵy jarylyp nemese aspannan naızaǵaı túspese, apattar oryn ala qoımaıdy. Biraq Qazaqstan úshin mundaı joldar áli óte az. Sondyqtan joldardyń na­sharlyǵynan kólikterdiń qarsy baǵytqa shyǵyp ketip soqtyǵysyp jatýy keńinen etek alǵan.Bul oraıda jol polısııasy úshin respýb­lıka joldaryndaǵy jaǵdaı óte kúrdeli kúıinde qalyp otyrǵandyǵyn jasyrmaı aıtý qajet. Máselen, Bas prokýratýra jergilikti atqarýshy jáne ýákiletti memlekettik organdardyń qyzmetinde 2011 jyl men 2012 jyldyń 8 aıynda jol júrisi qaýipsizdigin qamtamasyz etý boıynsha sharalarynyń tıimdiligi jóninde tekserý júrgizgeni belgili. Sonda prokýratýra organdary júrgizilgen tekserýlerdiń nátıjesi jol júrisi qaýipsizdigin qamtamasyz etý maqsatynda qabyldanyp otyrǵan sharalar tıimdiligi nasharlyǵyn, qyzmeti quqyq buzýshylyqtardyń aldyn alý jáne oǵan yqpal etken sebepter men jaǵdaılardy joıýǵa, quqyq buzýshylyqtardyń zardaptarymen kúresýge baǵyttalǵan jol polısııasy organdarynyń jol júrý qaýipsizdigin qamtamasyz etý salasyndaǵy tıisti jumysynyń joqtyǵyn anyqtaǵan.Tekserý barysynda jol júrisiniń qatysýshylaryna áleýetti qaýip týdyra­tyn jáne joldyń ótkizý qabiletine keri áserin tıgizetin jol belgileriniń beki­til­gen standarttarǵa sáıkessizdigi nemese olardyń tolyǵymen bolmaýy, sondaı-aq jol jamylǵysynyń qanaǵattanarlyqsyz jaǵdaıda bolýy tárizdi kóptegen zań buzý­shylyq derekteri ashylǵan. Jol qury­lysy normalary men standarttarynyń osy tektes kemshilikteri respýblıkanyń búkil aýmaǵynda oryn alǵan. Respýblıkanyń barlyq aımaqtarynda derlik jol belgileri Memlekettik standart – «Jol júrisin uıymdastyrýdyń tehnıkalyq tásili» QR ST 1412-2005 talaptaryna saı kelmeıdi eken.Almaty oblysyndaǵy Qarasaı aýdany­nyń eldi mekenderin tekserý kezinde jalpy qoldanýdaǵy joldarda ruqsatsyz shlagbaým men jasandy kedir-budyrlardy ornatýdyń 17 deregi anyqtalǵan. Buǵan qosa, «Almaty-Ekaterınbýrg» respýblıkalyq avtomobıl jolynyń bóliginde ǵana jol belgileriniń bekitilgen standartqa sáıkessizdigi nemese olardyń tolyqtaı bolmaýynyń 35 deregi shyqqan. Osyǵan oraı jol jamylǵysynyń nashar sapasy, jol belgileriniń joqtyǵy nemese olardyń sáıkessizdiginen jáne t.b. saldarynan týyndaǵan joldardaǵy apat­tylyqtyń naqty sebepteri men jaǵdaı­laryna sapaly taldaý jasaý jol júrisi qaýipsizdigin qamtamasyz etýdiń nátıjeli tetikteriniń biri bolýy múmkin ekendigi aıtylǵan. Alaıda, mundaı taldaý ýákiletti organdarmen, sonyń ishinde jol polısııasymen júrgizilmeıtini anyqtalǵan.Jol polısııasy organdary tarapynan jol júrisi qaýipsizdigin qamtamasyz etýge baǵyttalǵan uıǵarymdar engizbeı, al engi­zil­­genderi oryndaýsyz jáne baqylaýsyz qa­latyn derekter de belgili bolǵan. Mysa­ly, Ońtústik Qazaqstan oblysynyń jol po­­lısııa­sy organdary joldyń sapasyn jaq­­­sar­týǵa baǵyttalǵan birde-bir uıǵarym engiz­begen. Bul rette, tek «Kókparsaı» jol ýchas­­kesinde 2011 jyly jol qabatynyń sapa­syz bolýynan oryn alǵan 46 JKO-laryn­da 33 adam qaza bolyp, 82-si jaraqat alǵan. Alma­ty oblysynda da birde-bir uıǵarym engizilmegen.Byltyr Shyǵys Qazaqstan oblysynyń respýblıkalyq mańyzy bar joldaryndaǵy keshendi zerdeleý nátıjesinde 399 jol belgilerin ornatý qajettiligi anyqtalǵan. Zerdeleý qorytyndysyna sáıkes, Shyǵys Qazaqstan oblysynyń jol polısııasy basqarmasy men «Kazahavtodor» RMK-nyń oblystyq fılıalyna anyqtalǵan kemshilikterdi joıý boıynsha sharalar qoldaný týraly uıǵarym engizilgen. Biraq, uıǵarym oryndaýsyz qalyp, jol polısııa­sy qyzmetkerleri tarapynan onyń oryndalýyn qamtamasyz etýge baǵyttalǵan sharalar qabyldanbaǵan. Osy tektes jaǵdaı respýblıkanyń barlyq aımaqtarynda derlik qaıtalanýda.Buryn júrgizilgen tekserýlerdiń nátı­je­leri boıynsha óziniń mindetterin durys oryndamaǵany týraly syndarǵa qara­mastan, jol polısııasy ınspektorlary tarapynan kólik quraldaryn mas kúıinde júrgizgen tulǵalarǵa qatysty ákimshilik quqyq buzýshylyq óndiristerin qozǵaý boıynsha shara qoldanbaý túrindegi áreketsizdik derekteri áli de oryn alýda.Tirkeý-emtıhan bólimsheleriniń qyzmetin tekserý kezinde tıisti qujattardy talap etpeı (jeke kýálikterin, medısınalyq anyqtamalaryn jáne t.b.), sondaı-aq buryn sot sheshimderiniń negizinde avtokólik júrgizý quqyǵynan aıyrylǵan, psıhonevrologııalyq jáne narkologııalyq ortalyqtardyń esepterinde tirkeýde turǵan azamattarǵa kólik júrgizý kýálikterin zańsyz berý tárizdi zań buzýshy­lyqtar belgili boldy. Osylaısha, tekserý qorytyndysy ýákiletti organnyń júktelgen mindetterdi tıisinshe oryndamaıtynyn, jekelegen laýazymdy tulǵalardyń óziniń qyzmettik mindetterine salǵyrt qaraıtynyn jáne joǵary turǵan organdar tarapynan vedomstvolyq baqylaýdyń joqtyǵyn kórsetedi.Sóıtip, elimiz zańdary jol polısııasy qyzmetkerleri tarapynan kóp jaǵdaıda saqtalmaıtyny, JKO-nyń sebepteri men jol qozǵalysy erejesiniń buzylýyna áser etetin barlyq mán-jaılarǵa egjeı-tegjeıli taldaý júrgizilmeıtini naqty anyqtaldy. Jol polısııasy qyzmetkerleri iri JKO-nyń sebepteri týraly tek boljamdar aıtady. Bul rette, jol qozǵalysy erejesiniń buzylýyna áser etken jaǵdaılar egjeı-tegjeıli taldanbaıtyn kórinedi. Jol polısııasy qyzmetkerleri osy tektes qorytyndylardy tek JKO kezinde opat bolǵandar men jaraqattanǵandardyń sany kóp bolǵanda ǵana ázirleıdi eken.Jalpy, tıisti taldaýlardyń júrgizilmeı­tinin respýblıkanyń barlyq aımaqtarynda JKO týraly málimetterdiń taldaýy negizin­de jasalǵan, jol qozǵalysyn uıym­das­tyrýdy jetildirý boıynsha sharalardy qamtıtyn joldarǵa baqylaý jasaý isteriniń is júzinde bolmaý derekterin de kórsetedi. Jol polısııasy organdarynyń aı saıynǵy esepterinde oblystardaǵy joldarda oryn alǵan JKO-nyń sebepteri (onyń ishinde jol sapasynyń tómendigi saldarynan) kózdelmegen. Baqylaýdyń joqtyǵy jáne qajetti eskertý jol belgileriniń bolmaýy saldarynan 2011 jylǵy jeltoqsanda Balqash kóliniń muzdy ótkelinde JKO oryn alyp, 3 adam opat bolǵan.Sonymen qatar, kólik joldaryna keshendi baıqaý júrgizýdiń qorytyndysymen zań buzýshylyqtardy joıýǵa qatysty shara qoldanbaý derekteri oryn alǵan. JKO sebepteriniń birine jol jamylǵylarynyń sapasyzdyǵy, jol betiniń buzylýy jáne t.b. jatatynyn aıta ketken jón. Osylaısha atalǵan tekserý barysynda jol polısııasy qyzmetinde anyqtalǵan zań buzýshylyqtar azamattardyń konstıtýsııalyq quqyqtary­nyń buzylýyna jáne sybaılas jemqorlyqqa jaǵdaı týǵyzyp, sáıkesinshe jol júrisi qa­ýipsizdigin qamtamasyz etý salasyn úıles­­tiretin organnyń qoǵam aldyndaǵy bede­line nuqsan keltiretinine baılanysty Bas Prokýror Ishki ister mınıstri Qalmuhanbet Qa­sy­movqa zań buzýshylyqtardy jáne oǵan áser etken sebepter men jaǵdaılardy joıý týraly usynys túsirdi.Mine osyndaı qyzmetke salǵyrt qaraǵan­dyqtan da ótken jyly ǵana elimizde 14 168 jol-kólik oqıǵasy tirkelgen eken. Bári­nen soraqysy osy ýaqyt ishinde 3 022 adam­nyń ómiri qıylǵandyǵy men 17 488 adam túrli jaraqat alǵandyǵy bolyp otyr. Bul kez kelgen adamdy, ásirese, osy jol-kólik oqı­ǵalaryna jaýap berýge tıisti qyz­­met­ker­lerdi oılandyrýǵa tıis. Oılan­dyrý az, tez arada nátıjeli qaraqet jasaýǵa ki­ri­sýdi qajet etedi. Jol-kólik oqıǵasyn tek júrgizýshilerdiń ózderine ǵana jaýyp qoıyp, qol qýsyryp otyra berýge bolmaıdy. Biz óz qolymyz óz aýzymyzǵa jetken Táýelsiz elmiz. Memleket basshysynyń sara saıasatynyń arqasynda barlyq saladaǵy keleńsizdikterdi joıa alatyndaı jaǵdaı jasaldy. Jol polısııasy komıtetin kezinde О́mirzaq Túsimov basqarǵan kezde jaǵdaı budan da qıyn edi. Biraq О́.Túsimovtiń eren eńbeginiń arqasynda qazirgi jol qozǵa­ly­sy týraly zańdaǵy ózgerister men tolyq­tyrýlar qabyldanyp, jol boıyndaǵy, kóshe­lerdegi, qıylystardaǵy sýretke túsirý, beınebaqylaý qondyrǵylary ornatyldy. Budan basqa jaqsylyǵyn júrgizýshiler áli aıtyp júrgen kóptegen zańdy talaptar júzege asty.Iá, bulardyń bári sol kezde jasalynyp qoıylǵan. Beldikti taǵý, kólik terezelerin tumshalaǵan qara perdelerdi alý, qarsy jolǵa shyqpaý, jalpy jol erejesin qatań saqtaý, araq iship kólikke otyrǵandardy qatań jazalaý, t.b sekildi zańdy qaǵıdalar sol kezde júzege asty. Sóıtip, jol boıyndaǵy tártip qalypqa túsip, memlekettiń basqa salalary da birtindep Jol polısııasy komıtetiniń izgilikti isinen úlgi ala bastaǵan edi. Alaıda, amal ne, sodan beri aıta qoıarlyqtaı bir jańalyqtar engizilgen joq. Al kólik sany bolsa, jyl saıyn arta túsýde. Soǵan sáıkes zań buzýshylyqtardyń óskenin de kóremiz. Odan da soraqysy jol-kólik oqıǵalarynyń jappaı oryn alýy kóbeıip, tek byltyr ǵana 2011 jylmen salystyrǵanda opat bolǵandardyń sany 17,9 paıyzǵa ósse, jaraqat alǵandar 11,6-dan 24,9 paıyzǵa artqan. Bul neni bildiredi?Ony aıtasyz, endi júrgizýshiler joldyń qalypty deńgeıde saqtalýy úshin bir tó­­leýi kerek bolsa, quqyq buzýshylyq úshin ekinshi márte aıyppul tóleıdi. Sonda, shyn­­dyǵyn aıtar bolsaq, júrgizýshiler joldyń nasharlyǵynan, jol erejesiniń durys baqylanbaıtyndyǵynan oryn alǵan quqyq buzýshylyq úshin nege jaýap berýge tıis? Muny nelikten Jol polısııasy eskermeıdi? Tipti keıbir jerlerde jol belgileriniń ýaqtyly qoıylmaıtyny da ras. Qys kezinde taıǵanaqty bildirgen belgi jazda da turýy ábden múmkin nemese qajetti jerinde múlde bolmaýy da ǵajap emes. Buǵan eshqandaı baqylaý joq. Sondyqtan da Ishki ister mınıstri Qalmuhanbet Qasymov jol polıseılerin ámbebap polıseılerge aınaldyrý qajet dep beker aıtyp júrgen joq. Mınıstr Jol polısııasy komıtetiniń qazirgi qyzmetti atqarýy talapqa saı kelmeıtin bolǵandyqtan, qoǵamǵa jany ashı aıtady. Mınıstrdiń sózine biz de tolyqtaı qosylyp, jańa ámbebap qazaqstandyq polısııa jolǵa da qarap, ýaq qylmystardy ýaqtyly anyqtaıtyny anyq deımiz. Áıtpese, jol polısııasy qasynda bireýler tóbelesip jatsa da ony kórse de kórmegendeı bolyp, moınyn da burmaıdy. О́ıtkeni, ol ózgelerdiń sharýasy, oǵan kólikterdi kóbirek toqtatyp, óz qamyn oılaǵan áldeqaıda tıimdi. Al muny Jol polısııasy komıtetiniń basshylyǵy nege kórmeıdi?Endeshe, osyndaıda Jol polısııa­sy komıteti jalpy kerek pe degen suraq týyndaıdy. О́ıtkeni, jol polıseıleri keıde jolda oılaryna kelgenin jasaıtynyn biz emes, ózderi de aıtady. Kemshilikti bireý aıtqan­nan góri onyń aldyn alyp, ózimiz rettep jatyrmyz deý áldeqaıda jeńilirek shyǵar. Máselen, Jambyl oblystyq IID baqylaýy boıynsha Ar-namys kodeksi men etıkalyq qalyptardy buzǵan jol polıseıleri kóptep sanalady eken. Olardyń kólikte otyrǵanda beldikti taǵynbaıtynyn, kólik qujattaryn alyp júrmeıtinin, kez kelgen ýaqytta jol boıyna shyǵyp, tuzaq quratynyn jasyrmaıdy, biraq olar kezekti kezekshilikten keıin ózderiniń jol boıyna nege, ne úshin shyǵatyndaryn aıta almaǵan. Tipti, muny aıtasyz, bir vzvodtyń komandıri óziniń áriptesterimen birge garajda spırtti ishimdikke sylqııa toıyp alǵan. Odan ekeýi mas kúıinde kólik júrgizgen. Mundaı bas­syz­dyqqa jol polıseıleri tek joǵary jaq­tan baqylaý bolmaǵanda ǵana bara alady. Osyndaıda Jol polısııasy komıteti ne qarap otyr dep jurt oılaıdy. Eger aı­maqtardaǵy jol polısııalarynyń áre­ket­t­erine ıe bola almaıtyn bolsa, ondaı ko­mıtetten, ondaǵy otyrǵan basshylyqtan ne qaıyr? Nege kerek? Grýzııadaǵy sekildi eli­mizdegi de Jol polısııasy komıteti quramyn túgel bir-aq kúnde aýys­tyrý qajet. Áıtpese, mekemeniń aty óz­ger­genmen, mun­daı bassyzdyqtar men jol boıyn­daǵy sora­qylyqtar eshýaqytta tyıylmaıdy.О́ıtkeni, «Qandaı bolmasyn qabyldanǵan sharalarǵa qaramastan, jol polısııasy qyzmetkerleriniń araq ishý deregi tyıylmaı otyr, sonyń saldarynan esh jazyǵy joq beıbit adamdar zardap shegýde. Ásirese, qyzmetkerlerdiń araqqa toıyp alyp kólik­pen júretin shekten shyqqandyǵy alańdatady. Munyń bárin halyq kórip otyr ǵoı, budan keıin olarǵa qandaı senim artylmaq? Azamattardyń quqyn qorǵaýǵa qabyldanǵan qyzmetkerlerdiń ózderi sol zańdy buzatyn bolsa, olardan ne qaıyr? Mine, osy derek­terdiń bári zańdylyq pen tártip boıynsha júıeli jumystyń joqtyǵyn bildiredi», dep Jambyl oblystyq IID basshysy ózderi de qorytyndy shyǵarǵandaı, mundaı kúıdegi qazirgi Jol polısııasy komıtetiniń qyzmetinen halyqqa ne paıda bar?Álbette olardan eshqandaı qaıyr bolmaǵan soń keıbir mekemeler ózderiniń usynystaryn joldaýda. Máselen, Qazaq­stan tutynýshylar quqyn qorǵaý qoǵam­dyq uıymy «Ishki ister organdary týraly» Zańǵa ondaǵan usynystaryn joldapty. Munyń bári jol polısııasyn jaılaǵan sybaılas jemqorlyqpen kúresý úshin qajet, deıdi. Demek, elimizdegi ár mekeme, kez kelgen adam jol polısııa­syn sybaılas jemqorlyq derti jaılap alǵanyn jaqsy biledi jáne olardyń bar­lyǵy eldiń erteńi men bedeli úshin Jol polısııasy komıtetine qolushyn berýdi kózdeıdi. Olardyń aıtýynsha, polıseıler kezekshilikke túskende qaltalarynda 8000 teńge ǵana bolýy qajet. Kezekshilikke túskende osy aqshany tirketedi, al eger qyzmet barysynda bul aqsha kólemi artyp ketse, qyzmettik tergeý júrgizilýi kerek. Sonymen qatar, atalǵan qoǵamdyq uıym IIM Jol polısııasy komıtetiniń qyzmetkerleri men olardyń otbasy jáne týysqandarynyń jyl saıyn kirisi men shyǵysy týraly esep berip otyrýyn qalaıdy. Eger sońǵynyń kólemi aıtarlyqtaı kóp bolsa, onda bir kiltıpan bar degen sóz. Sol sııaqty kóptegen adamdar Jol polısııasy komıtetin qoly taza emes adamdardan aryltýdy ashyq júrgizýdi qalaıtyndyǵyn bildiredi.Olaı bolmaǵan jaǵdaıda, «Kazpotreb­nadzor» qoǵamdyq uıymynyń júrgizgen áleýmettik onlaın-zertteýine qaraǵanda, júrgizýshilerden jol polısııasy qyzmetker­leriniń para alýy toqtamaıtyn sekildi. Jol polısııasy qyzmetkeri mas kúıde kólik júrgizgen adamdy ustasa, ıaǵnı bul eń úlken quqyq buzýshylyq bolyp tabylyp, júrgizýshige qutylý úshin 82 638 teńge para berýge týra keledi eken. Degenmen, birqatar jaǵdaılarda bul úshin 5000, tipti 500 000 teńge berip te qutylǵandary bolǵan kórinedi. Al kýáliksiz júrgender 8079 teńge, qarsy jolaqqa shyqqandar – 6079 teńge, jyldamdyqty asyrǵandar – 3474 teńge jáne qyzyl shamǵa ótkender – 3647 teńge para berýlerine týra kelgen. Eń kóp para beretinder Qaraǵandy, Mańǵystaý jáne Batys Qazaqstan oblystary bolsa, eń azy Ońtústik Qazaqstanda kórinedi.Osy málimetterdi daıyndaýǵa baılanys­ty suralǵan júrgizýshilerdiń 90 paıyzy jol boıynda ereje buzǵandary úshin para bergenderin jasyrmaı aıtypty. Endi buǵan ne deý kerek? Muny, ıaǵnı mundaı jaǵdaıdy Jol polısııasy komıteti basshylyǵy bilmeı, kórmeı otyr deısiz be? Biraq bilse, kórse nege mundaı soraqylyqtar qaıtalana beredi? Eger qyzmetker sybaılas jemqorlyq kórinisimen ustalsa, olardyń basshylary da qyzmetimen qosh aıtysýy kerek emes pe?! Al bir emes, qanshama zań buzýshylyq oryn alyp jatyr, biraq Jol polısııasy komıteti búlk etpeıdi. Nege? Sonda qashan, qaıtkende naqty tártip ornaıdy? Al endi «Kapıtal» portalynan jazýy boıynsha QazTAG-tyń habaryna qaraǵanda, IIM Jol polısııasy komıtetiniń qyzmetkerleri ústinen qylmystyq is te qozǵalyp jatqan kórinedi. Bul maqsatta Jol polısııasy komıtetiniń ishinde paıda bolǵan qylmystyq topty áshkerleý úshin Qarjy polısııasy ǵalamat tekseris júrgizipti. Sonan avtokóliktiń aıtýly nómirleriniń zańsyz saýdaǵa túskeni belgili bolǵan. Buǵan ne deısiz endi?

Aleksandr TASBOLATOV,«Egemen Qazaqstan».