Shartty ratıfıkasııalaý qujaty BUU-ǵa tapsyryldy

 Is-sharaǵa BUU jáne 103 eldiń 500-den astam úkimettik emes uıymdarynyń koalısııasyn quraǵan «ICAN» ıadro­lyq qarýǵa qarsy halyqaralyq qozǵa­ly­synyń ókilderi qatysty. Olar Qazaq­stanǵa ıadrolyq qarýsyzdaný isindegi beriktigi men kóshbasshylyǵy úshin al­ǵystaryn bildirdi.

Qujatty depozıtarııge tapsyra otyryp, Qazaqstan Respýblıkasynyń BUU janyndaǵy Turaqty ókili Qaırat Omarov bul oqıǵa Qazaqstannyń ıadro­lyq qarýdan azat álem qurýdaǵy jahan­dyq kúsh-jigerlerge qosqan taǵy bir mańyzdy praktıkalyq úlesi ekenin atap ótti.

70 jyl buryn keńestik atom bombasy alǵash ret synaqtan ót­ki­zilgen el búginde ratıfıkasııalaý quja­tyn tapsyrý arqyly 26-shy memleket bolyp ıadrolyq qarýǵa zańdy túrde tyıym salatyn alǵashqy tarıhı shart­tyń kúshine ený perspektıvasyn jaqyndatty.

Sharttyń mátinin ázirleýge jáne onyń qabyldanýyna Qazaqstan belsen­di túrde qatysyp kelgeni belgili. Qu­jat­tyń negizgi erejeleri álemdegi tór­tinshi eń iri ıadrolyq arsenal ıesinen ıadro­lyq qarýsyzdaný men taratpaý salasyndaǵy kóshbasshy memleketke aınalýdyń ónegeli jolyn kórsetken Qazaqstannyń qaǵıdatty  ustanymyna jaýap beredi.

Qazaqstannyń ıadrolyq qarýǵa qar­sy júr­gizip jatqan kúsh-jigerleri eldiń Tu­ń­ǵysh Prezıdenti Nursultan Nazarbaevtyń 2045 jylǵa qaraı BUU-nyń 100 jyldyq mereıtoıyna deıin ıadrolyq qarýdan azat álemge qol jetkizý jónindegi bastamasyn basshylyqqa alýda. Iаdrolyq qarýǵa tyıym salý týraly sharttyń qabyldanýy bul qarý túrin joıý úshin kúres jolyndaǵy tarıhı mańyzdy kezeń bolmaq.

Sharttyń kúshine enýi úshin 50 mem­lekettiń ratıfıkasııasy qajet. Osy oraıda qazaqstandyq ókildik bas­shysy: «Eger Bolıvııa qajetti ratı­fıkasııalar sanynyń birinshi jartysyna 6 tamyz kúni – Hırosımany bombalaý kúni jetkizse, Qazaqstan ekinshi jartysynyń tusaýyn Iаdrolyq synaqtarǵa qarsy halyqaralyq is-qımyl kúnine oraılastyryp ashyp otyr. Osylaısha elimiz búkil adam­zattyń qaýipsiz bolashaǵyn oılaýshylardy osyndaı áreketterge barýǵa shabyttandyra túspek» – dep málimdedi.

Rásim barysynda qatysýshylar barlyq ıadrolyq synaqtardyń qurban­daryn bir mınýt únsizdikpen eske aldy. «Bizdiń áreketimiz, sonymen qatar ıad­ro­lyq qarýdy qoldaný saldarynan zardap shekkenderdiń barlyǵyna degen qurmetimiz bolyp tabylady. Ortaq mindetimiz – osyndaı qaıǵyly jaǵdaılardyń qaıtalanýyn boldyrmaý», – dep atap ótti Q.Omarov.

Iаdrolyq qarýǵa tyıym salý týraly shart 2017 jylǵy 7 shildede  BUU-nyń 122 múshe-memleketiniń qoldaýymen qa­byldandy. Bul qujat 2017 jyldyń naý­ryz jáne maýsym-shilde aılarynda Nıý-Iork qalasynda ótken Iаdrolyq qarý­dyń túbegeıli joıylýyna ákeletin ıadro­lyq qarýǵa tyıym salý týraly zańdyq min­detteýshi kúshi bar qujat ázirleý boıynsha BUU konferensııasynyń eki ses­sııasy­nyń qorytyndysy boldy. Búgin­de 70 mem­­leket Shartqa qol qoıyp, onyń 26-sy osy qujatty ratıfıkasııa­laǵan. Qa­zaqstan bul qujatqa 57-shi memleket re­tinde 2018 jylǵy 2 naýryzda qol qoı­dy, al  bıylǵy 29 tamyzda ony ra­tı­­fı­ka­­sııalaǵany jóninde resmı qu­jatyn 26-shy memleket bolyp tapsyrdy.