Bilim kúnine oraı, Túrkistan oblysynda jańadan 7 mektep ashyldy, al jyl sońyna deıin 15 mektep paıdalanýǵa beriledi. Oblys kóleminde bıyl 56 506 bala birinshi synyp tabaldyryǵyn attady, jalpy bilim alatyn oqýshylar sany 488 520-ǵa jetip otyr.
Al búginde el nazaryndaǵy Arys qalasy boıynsha 2500-ge jýyq oqýshy 1 synypqa bardy. Bilim kúni qaladaǵy barlyq 40 mektepte alǵashqy qońyraý soǵyldy. Shahardaǵy I.Jýrba atyndaǵy jalpy orta mektebinde ótken saltanatty sharaǵa Túrkistan oblysy ákiminiń orynbasary Sáken Qalqamanov, «Samuryq-Qazyna» jyljymaıtyn múlik qory» AQ Basqarma tóraǵasy Arman Jetpisbaev qatysty.
Arys qalasyndaǵy áleýmettik nysandardy qalpyna keltirý jumystarymen aınalysqan "Samuryq - Qazyna" UÁQ " AQ 16 orta mektepti tolyq qalpyna keltirip, oqý jylyna daıyndap úlgerdi. Aıta ketelik, búgingi tańda Arys qalasynda qor qalpyna keltiretin 68 áleýmettik ınfraqurylym nysandarynyń 63 nysany paıdalanýǵa berilgen. Qalǵan 5 nysandy qyrkúıek jáne qazan aılarynda tapsyrý kózdelip otyr.
Túrkistan oblysy