Qurlyqtyq hokkeı lıgasynyń (QHL) turaqty birinshiliginiń ekinshi týrynda Nur-Sultannyń «Barysy» Habarovskiniń «Amýryn» qabyldady.
Bul básekede alǵashqy shaıbany «Amýrdyń» oıynshylary saldy. Birinshi kezeńniń aıaqtalýyna eki mınýttaı ýaqyt qalǵanda Tomash Zogorna esep ashty. Úzilisten keıin kórermender qaqpaǵa soǵylǵan keremet úsh goldyń kýási boldy. Aıdyn ıeleri sapynan Anton Sagadeev pen Alekseı Maklıýkov jáne qonaqtar sapynan Igor Rýdenkov nysanany dál kózdedi. Al úshinshi kezeń bel ortaǵa taıaǵanda Korben Naıt mergendik tanytyp, «Barysqa» jeńis syılady. Esep – 3:2.
Endi «Barys» aldaǵy tórt birdeı kezdesýin syrtta ótkizedi. Onyń alǵashqysy Qytaıda ótedi. 8 qyrkúıekte sol eldiń «Kýnlýn Red Star» klýbymen kúsh synasamyz.