Tuńǵysh Prezıdent Nursultan Nazarbaev Reseı Federasııasyna jumys sapary aıasynda Máskeýdegi Qazaqstan Respýblıkasynyń Elshiliginde boldy. Bul týraly Reseı Federasııasyndaǵy Qazaqstan Elshiliginiń baspasóz qyzmeti habarlaıdy.
Delegasııa quramynda Qazaqstan Respýblıkasynyń premer-mınıstri Asqar Mamın jáne Syrtqy ister mınıstri Beıbit Atamqulov boldy.
Qazaqstan Respýblıkasynyń Reseı Federasııasyndaǵy Elshisi Imanǵalı Tasmaǵambetov delegasııany qarsy alyp, qonaqtarǵa Elshiliktiń jańartylǵan ǵımaratyn kórsetti. Sonymen qatar qonaqtar Qazaqstan-Reseı qatynastar murajaıyn aralap, sırek kezdesetin eksponattarmen tanysty.
Sapar barysynda Nursultan Nazarbaev jınalǵan dıplomattarmen amandasyp, olarǵa sáttilik pen jemisti jumys tiledi.
Esterińizge sala keteıik, búgin Elbasy Reseı Federasııasynyń prezıdenti Vladımır Pýtınmen kezdesip, halyq sharýashylyǵy jetistikteriniń kórmesindegi (VDNH) «Qazaqstan» ulttyq pavılonynda bolyp, Máskeý qalasy kúnine arnalǵan merekelik sharalarǵa qatysty.