Almatyda shahmattan Azııa chempıonaty bastaldy. Aıtýly dodada 16 memleketten kelgen 70 oıynshy baq synaýda.
Osy jarysta alǵashqy júristi shartty túrde Qazaqstan Respýblıkasy Mádenıet jáne sport mınıstrliginiń Sport komıtetiniń tóraǵasy Serik Sápıev, Almaty qalasy ákiminiń keńesshisi Ýálıhan Ten jáne Qazaqstan shahmat federasııasynyń vıse-prezıdenti Erkin Israılov jasady. Sodan keıin sharshy taqtadaǵy shıelenisti tartystar bastaldy. Bul básekeler eki jas erekshelikteri boıynsha ótýde: 50 jastan joǵarylar jáne 65 jastan joǵarylar.
Almatydaǵy dodaǵa qatysýshylar qatarynda qazaqstandyq Elena Ankýdınova men Aıtqazy Baımurzın, avstralııalyq Helen Mıllıgan jáne taǵy basqa ataqty shahmatshylar bar.