Bul týraly Túrkistan oblysy ákimdiginiń baspasóz qyzmeti habarlady.
Túrkistan qalasynda ornalasqan Royal Grand qonaqúıinde oryn alǵan órt saldarynan barlyǵy 11 adam zardap shekken.
«6 órt sóndirý qyzmetkeri medısınalyq kómekke júgingen. 3 polısııa qyzmetkeri jáne 2 qala turǵynyna medısınalyq járdem kórsetilgen. Ortalyq qalalyq aýrýhanaǵa 5 zardap shegýshi jetkizildi. Olardyń tórteýi jatqyzylyp, bir azamat qaıtaryldy. Jaraqat beketine 3 adam tasymaldandy. Oqıǵa ornynda polıseıler men TJQ qyzmetkerleri jumys jasaýda. Qazirgi tańda Túrkistan oblysynyń polıseıleri bolǵan oqıǵanyń tolyq mán-jaıyn anyqtaýda. Saraptamalar taǵaıyndaldy», delingen habarlamada.
«Eń bastysy, adam shyǵyny joq. Tilsiz jaýdyń oryn alýyna gaz sısternasynyń jarylýy sebep bolǵan», deıdi oblystyq tótenshe jaǵdaılar jónindegi departament basshysy Nurǵalı Júnisov.
Aldyn ala berilgen málimetterge súıensek, órt 3 tonnalyq gaz sısternasyn toltyrý kezinde shyqqan. О́rttiń kólemi 1400 sharshy metr. О́rt týraly málimet 18:05- da túsken. Qonaqúı ishinde meımanhana, ashana ornalasqan.