Halyqaralyq jıyn PEN klýby men qala ákimdigi uıymdastyryp otyr. Bizge bul aqparatty Halyqaralyq PEN klýbynyń prezıdenti Bıgeldi Ǵabdýllın habarlady.
Ekinshi ret ótetin halyqaralyq jazýshylar forýmyna Mońǵolııa, Túrkııa, AQSh, Anglııa, Fransııa, Germanııa syndy elderden tanymal qalamger, aýdarmashy, pýblısıster shaqyrylǵan. Bul aqparat búgin tús aýa belgili boldy.
Halyqaralyq qazaq PEN klýbynyń prezıdenti Bıgeldi Ǵabdýllın bizben áńgimesinde jıynǵa otandyq jazýshylar arasynan Ábdijámil Nurpeıisov, Oljas Súleımenov, Dýlat Isabekov, Ulyqbek Esdáýlet jáne Smaǵul Elýbaev sııaqty klassık jazýshylar qatysatynyn aıtty.
Olar úsh kún boıy aýdarma órisin keńeıtý máselelerin talqylamaq. Mundaǵy maqsat – ádebıetke jańa arna ashý, qazaq ádebıetin álemge nasıhattaý. «Bizdiń jazýshylarymyz ulttyq ádebıetti jasaıdy. Al endi aýdarmashylar álemdik ádebıetti jasaıdy. Qazirgi ýaqytta Qazaqstanda aýdarma máselesi óte qıyn jaǵdaıda. Forýmǵa 20 shaqty elden belgili jazýshylar men pýblısıstter, aýdarmashylar jáne 70-80 shaqty jazýshy keledi», dedi Bıgeldi Ǵabdýllın.