Búgin «Jastar Alany 2019» respýblıkalyq debat týrnıriniń saltanatty ashylý rásimi ótedi. Elimizdiń 120-dan astam adam úzdik qara sóz ókilderi jalpy júlde qory 4 000 000 teńge úshin baq synaıdy.
Týrnır Aqparat jáne qoǵamdyq damý mınıstrligi jáne «Azamattyq bastamalardy qoldaý» ortalyǵy KEAQ-men birlesip ótedi. Jobanyń negizgi maqsaty Jastar jyly aıasynda Qazaqstandaǵy debat qozǵalysyn jandandyrý jáne elimizde debat federasııasyn qurý.
Týrnır 20-21 qyrkúıek aralyǵynda QazÝTB ýnıversıtetiniń ǵımaratynda ótedi. Fınaldyq oıyn 22 qyrkúıek kúni Nur-Sultan qalasynyń «Oqýshylar saraıynda» ótedi.
Ashylý saltanatyna «Nur Otan» partııasy hatshysy Ǵabıdolla Ospanqulov, «Azamattyq bastamalardy qoldaý ortalyǵy» tóraǵasy Mýkına Batıma, «Jas Otan» JQ tóraǵasy Káribek Dáýlet qatysady.
Sonymen qatar Brıtandyq parlament jáne Lınkoln – Dýglas formattary boıynsha týrnır qatysýshylary men tóreshilerine arnalǵan trenıngter men master-klastar ótkizildi.
Qazaq jáne orys lıgalary fınalynan bólek saıası jáne qoǵam qaıratkerlerdiń, blogerlerdiń, basqa da tanymal tulǵalardyń qatysýymen «Juldyzdy oıyn» ótkizý josparlanýda.
Týrnır qorytyndysy boıynsha debaterlerdiń ózara baılanysy úshin saıt pen mobıldi qosymsha ázirlenip, iske qosylady. Atalǵan mobıldi qosymsha Taım-kıperlerdi almastyratyn elimizde balamasy joq qural.