«Manchester Iýnaıted» — «Astana» arasyndaǵy kezdesý aıaqtalǵannan keıin elorda komandasynyń bas bapkeri Roman Grıgorchýk aǵylshyndyq baspasóz ókiline oıyn týraly pikirimen bólisti. Bul týraly «Astana» fýtbol klýbynyń baspasóz qyzmeti habarlady.
- «Manchester» týraly oıyn aldyndaǵy baspasóz jıynynda aıtqanymdy taǵy da qaıtalaımyn. Biz kútkendeı, alańda óte jaqsy ári qyzyqty komandany kórdik. О́te jaqsy oınaı alatyn, oıyn júıesi erekshe, myqty fýtbolshylardy qataryna jınaqtaǵan komandaǵa qarsy turdyq,- dedi elorda komandasynyń bas bapkeri Roman Grıgorchýk.