Qaladaǵy joǵary oqý oryndarynyń 400-ge jýyq stýdenti Almarasan shatqalyn qoqys pen qaldyqtan tazartty. Osy ıgi isterimen jalyndy jastar elimizdiń premer-mınıstri bastaǵan «Birge - taza Qazaqstan» respýblıkalyq ekologııalyq aksııasyna óz úlesterin qosty. Olar jalpy 8 shaqyrym aýmaqty qoqystan tazartqan.
«Bul estafetany Qazaqstannyń basqa da ýnıversıtetterine joldaımyz. О́zimiz demalatyn oryndarymyzdy taza qalpynda saqtaýymyz kerek. Tabıǵat taza bolsa, adamzattyń da kóńili jaı. Árqashan osyny umytpaýymyz qajet», – deıdi stýdent Álisher Súleımenov
Bul kúni shahardyń Jetisý aýdanynda da jastar men óner maıtalmandary qoldaryna kúrek pen sypyrtqy ustap aýdan aýmaǵyn aınadaı tazartty. Ár túrli salanyń mamandary senbilik ótetini týraly áleýmettik jeli arqyly habardar bolyp, óz erikterimen belsendilik tanytqan.Igi bastamyn qoldaǵan olar aǵashtarǵa sanıtarlyq kesý jumystaryn da júrgizdi.
ALMATY