HQO mamandary ymmen qyzmet kórsetedi

Munan bylaıǵy jerde Almatydaǵy «Azamattarǵa arnalǵan úkimet» mem­leket­tik korporasııasy HQO-ǵa­ jú­­ginetin estý qabi­leti na­shar aza­mat­tarǵa qazaq tilin­de ymmen qyzmet kór­sete ala­dy.

Kún saıyn elimizdegi 348 front-keńsesine myńdaǵan qazaqstandyq mem­lekettik tilde qyzmet alýǵa ke­ledi. Olardyń suranysyn ótep, sa­paly qyzmet kórsetý – HQO qyz­metkerleriniń bas­ty mindeti. HQO-dan qyz­met kórsetýdi talap etip kelgen jandar arasyn­da erekshe qajettiligi bar tul­ǵalar da bar. Estý qabileti nashar adamdar úshin bul keńselerde ısharat tilin meńgergen mamandar qyzmet kórsetedi.

«Ár kúnin múlgigen ty­nyshtyqta ótkizetin jan­dar HQO sııaqty mekemege kelip, ózin túsine alatyn qyzmetkermen ymmen til­desip, kerek qyzmetin ala alady. Biz qashanda erekshe qa­jettiligi bar tulǵalarǵa bar jaǵdaıdy jasaýǵa tyrysamyz. Arbamen júre­tin­der úshin pandýstar, za­ǵıp­tar úshin braıl álip­bıindegi jazýlary bar taq­taıshalar qoıylǵan. Nashar estıtinderge sýrdoaýdarma tilin meńgergender qyzmet kórsetedi», deıdi basqarma tóraıymy Ásemgúl Balta­sheva.

Osylaısha respýblıka boıyn­sha Halyqqa qyzmet kórsetý ortalyq­tarynyń bólimderinde eńbektenetin 1300-den astam qyzmetker bıyl ısharat tilin meńgerý kýrs­tarynan ótken. Olar­dyń 1100-den astamy arnaýly ser­­tıfıkattar alǵan. Onyń ishinde Almaty qalasy bo­ıyn­sha 15 maman ymdaý tilin meń­gerdi.

Memlekettik korpora­sııa­nyń Al­maty qalalyq fılıalynda qyzmet ete­tin Arman Baıdildaevtiń aıtýynsha, ym tilin úırený usy­nylǵanda, ol birden kelisimin bergen. Adamdarǵa kómektesý – bas­ty paryzym, dep bilgen ol kýrstardan ótý arqyly qyzmet alýǵa keletin erekshe tulǵalarǵa paıdasyn tıgize alatynyn aıtady. «Az ýaqyt ishinde biz ym tilindegi amandasý, qosh­tasý, áripter, sandar­ sııaqty negizgi sózderi men termınderin meńgerdik. Qyz­met alýshylarǵa qandaı anyq­tama, qujat qajet dep suraı alamyz, meıli ol jeke kýálik ne pasport bolsyn», – deıdi Arman.

Aıta keteıik, memleket­tik korporasııada I, II, III top múgedektigi bar 745 ju­mysker eńbektenedi. Ju­myspen qam­­tý strate­gııa­lyq josparyna sáı­kes, múgedektigi bar qyz­met­­ker­lerdiń jalpy shtat kó­le­­min­degi úlesi 4%-dan kem bolmaýy tıis. III top múge­dek­tigi bar azamattar memle­ket­­­tik kor­porasııaǵa esh konkýrstyq irik­teýsiz jumysqa ornalasa alady.

ALMATY