Germanııa aýrýhanasynda jasalǵan otadan soń qaıtys bolǵan naýqastyń ólimin zańǵa sáıkes tekserý kerek. Bul týraly Memleket basshysy Tvıtterdegi paraqshasynda jazdy.
«Nıý-Iorkte saparmen júrip, Almatydaǵy 4-shi qalalyq aýrýhananyń bas dárigeri jáne anestezıologynyń tutqyndalýy jónindegi medısına qaýymynyń ótinish-tilekterin oqydym. Germanııa aýrýhanasynda jasalǵan otadan soń qaıtys bolǵan naýqastyń ólimin Zańǵa sáıkes tekserýdi tapsyrdym. Bul másele Prezıdent Ákimshiligi, Densaýlyq saqtaý mınıstrligi, Almaty q. ákiminiń baqylaýynda», dep jazdy Prezıdent Qasym-Jomart Toqaev Tvıtterdegi paraqshasynda.
Eske sala keteıik, Almaty aýdanaralyq mamandandyrylǵan tergeý sotynyń qaýlysymen dáriger Asqar Tuńǵyshbaev QR QK 317-babynyń 3-bólimimen (Medısına jumyskeriniń kásiptik mindetterin tıisinshe oryndamaýy saldarynan abaısyzda adam ólimine ákep soqqan is-áreketter) 2 aıǵa qamaýǵa alyndy.