«Áleýmettik medısınalyq saqtandyrý qory» KEAQ Qazaqstannyń medısınalyq uıymdaryna halyqqa kórsetilgen qyzmetter úshin 697 mlrd teńge tóledi. Bul týraly qordyń Mańǵystaýdaǵy fılıaly habarlady.
«2019 jyldyń 8 aıynda respýblıkanyń medısınalyq uıymdaryna tegin medısınalyq kómektiń kepildik berilgen kólemi (TMKKK) sheńberinde halyqqa kórsetilgen qyzmetter úshin aýdarylǵan qarajat kólemi 697 mlrd teńgeni qurady», - delingen habarlamada.
«Al Qordyń Mańǵystaýdaǵy bıyl 8 aı ishinde medısınalyq uıymdarǵa atalǵan qyzmet úshin 19 mlrd 606 mln teńge shamasynda qarajat bólip otyr», - deıdi Qordyń Mańǵystaýdaǵy fılıaly bólim basshysy О́tekeeva Bıbatpa.
Aıta keteıik, «Áleýmettik medısınalyq saqtandyrý qory» Mańǵystaý oblysy boıynsha fılıaly halyqqa tegin medısınalyq kómek kórsetetin 51 medısınalyq uıymmen kelisim shart ornatqan, onyń ishinde 25 jeke menshik mekeme bar.
MSQ 2018 jyldan bastap TMKKK jáne mindetti áleýmettik medısınalyq saqtandyrý (MÁMS) paketteriniń qarjylyq operatory bolyp tabylady jáne halyqqa kórsetiletin medısınalyq qyzmetterdi Úkimet bekitken tártip boıynsha satyp alýmen aınalysady.