Qala ákimimen kezdesýge jazýshy Sofy Smataev, akademık Serik Qırabaev, akter Tuńǵyshbaı Jamanqulov, aqyn Iran-Ǵaıyp Orazbaev qatysty. Olar zamanaýı ádebıettiń qazirgi jaǵdaıy, qazaqstandyq jazýshylardyń ádebı muralaryn ǵylymı turǵyda zertteý, teatr ónerin damytý máselelerin kóterdi.
Sonymen qatar kezdesýde ádebıettiń, teatr men kınonyń óskeleń jas urpaqty tárbıeleýdegi róli jáne shyǵarmashylyqtyń qalanyń mádenı jáne rýhanı ómirindegi erekshe orny týraly sóz boldy.
Eske salsaq, buryndary Jazýshylar odaǵynda Baqytjan Saǵyntaev qoldaý sharalary týraly aıtqan edi. Onyń tapsyrmasy boıynsha Jazýshylar úıi jóndeledi, qalyptasqan jáne jas jazýshylar úshin arnaıy granttar bekitiletin bolady.
Qala ákiminiń bastamasy boıynsha ádebı baıqaý, Elbasynyń «Uly dalanyń jeti qyry» baǵdarlamalyq maqalasy aıasynda úzdik ssenarıı konkýrsy uıymdastyrylady. Jeńimpazdar ózderiniń shyǵarmashylyq ıdeıalaryn qala teatrlarynyń sahnalarynda kórsete alady. Bulardan ózge, aýdandarda jastar demalysynyń ortalyǵyna aınalatyn jańa formattaǵy kitaphanalar ashylady.
ALMATY