Aqtaý qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń oqýshylary 1-qazan - qarttar kúnine oraı «Úlkenge bizde izet bar» atta qurmet kúnin ótkizdi. Bilim ordasynyń oqýshylary ata-ájelerin mektepke shaqyryp, olardyń ómir týraly tereń oılaryn tyńdady.
«Dara jol» baǵdarlamasy formatynda uıymdastyrylǵan júzdesýge 10 «D» synybynyń oqýshysy Kamıla Orazǵalıdyń atasy Orazǵalı О́teýlıev, 10 «A» synybynyń oqýshysy Baǵdat Kýrentaevtyń atasy Kúreńtaı Izbergenov, 10 «S» synybynyń oqýshysy Nurberdi Myrzabaıdyń atasy Saılaý Qalıev, 12 «I» synybynyń oqýshysy Jansaıa Balhaevanyń atasy Jumanur Balhaev keldi. Olar ómir joldary, el basynan ótken qıyndyqtar, ulttyq qundylyqtar týraly áńgimelep, jas urpaqqa bilim alý, Otandy súıý, el azamaty bolý syndy ulaǵatty áńgimelerina aıtyp, bata-tilekterin jetkizdi.
- Qarttarǵa qurmet osymen bitpek emes. Qazannyń besi kúni «Meıirim óskini» oqýshylardyń qaıyrymdylyq toby Mańǵystaý oblystyq qarttar úıiniń aqsaqaldaryna «Bookcrossing» jobasy aıasynda kitaptar men osy kúnge deıin birlese ótkizgen kezdesýlerden estelik albom syılamaq. Sonymen qatar, qarııalarmen Kaspıı jaǵasyna jáne qala ishine ekskýrsııa josparlanǵan, deıdi oqý orny basshysynyń orynbasary A.Ihsanova.