Memleket basshysy Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysý úshin Armenııaǵa keldi. Bul týraly Prezıdenttiń baspasóz hatshysy Berik Ýálı málimdedi.
«Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysý úshin Erevan qalasyna (Armenııa Respýblıkasy) keldi. Memleket basshylary jıyn barysynda Eýrazııalyq ekonomıkalyq odaq aıasyndaǵy memleketaralyq yntymaqtastyqtyń ózekti máselelerin talqylaıdy. Sonymen qatar Qazaqstan Prezıdenti birqatar ekijaqty kezdesý ótkizýdi josparlap otyr», - dep jazdy Berik Ýálı.