Orta salmaqta WBA Super, WBC, IBF jáne IBO tujyrymdary boıynsha burynǵy álem chempıony Gennadıı Golovkın (39-1-1, 35 KO) Sergeı Derevıanchenkomen (13-1, 10 KO) ótkizetin tıtýldyq jekpe-jek aldynda ashyq jattyǵý ótkizdi. Bul týraly Golovkın Instagram paraqshasynda jazdy.
«Ashyq jattyǵýǵa kelgen barlyq jankúıerlerime rahmet. Sizder - keremetsizder!», dep jazdy Golovkın.
Boksshy aldymen jalǵyz jattyǵý jasap, keıinirek bapkeri Djonatan Benkspen jattyqqan.
Eske salsaq, 5 qazanda (Nur-Sultan ýaqyty boıynsha 6 qazan) AQSh-tyń Nıý-Iork qalasyndaǵy Madison Square Garden arenasynda ótken jyly uıymdastyrylmaq bolyp, biraq túrli sebepterge baılanysty ótpeı qalǵan qazaqstandyq boksshy Gennadıı Golovkın (39-1-1, 35 KO) men ýkraınalyq Sergeı Derevıanchenko (13-1, 10 KO) arasyndaǵy jekpe-jek ótedi.
Sondaı-aq «Qazaqstan» RTRK» AQ boks keshiniń barlyq kezdesýin kórsetý quqyǵyna ıe bolǵanyn habarlaǵan edi. Jekpe-jekti «Qazaqstan» jáne «Qazsport» arnalary tikeleı efırde kórsetedi. Translıasııa Nur-Sultan ýaqyty boıynsha 6 qazan kúni 05:00-de bastalady. Kezdesýdi qazaqstan.tv jáne qazsporttv.kz caıttary arqyly, QAZAQSTAN TV mobıldi qosymshasynda onlaın tamashalaýǵa bolady.