Atmosferalyq aýanyń aǵymdaǵy jaǵdaıy týraly aqparat endi Pavlodar, Ekibastuz, Petropavl jáne Aqtaý qalalarynyń Led-ekrandarynda qoljetimdi bolady. Bul týraly Ekologııa, geologııa jáne tabıǵı resýrstar mınıstrligi Facebook paraqshasynda málimdedi.
«Translıasııalaý úshin málimetter «Qazgıdromet» RMK aımaqtyq fılıaldarymen «AirKz» mobıldi qosymshasynyń kómegimen usynylyp, ár úsh saǵat saıyn jańartylyp otyrady. Bul joba «Qazgıdromet» RMK, oblystyq ákimdikter men Led-ekrandary bar jeke menshik uıymdardyń qatysýy arqyly múmkin boldy», dep jazdy mınıstrlik.
Pavlodar qalasynda aqparat Sátpaev-Krıvenko, Sátpaev-Toraıǵyrov, Kýtýzov-Estaı kósheleriniń qıylysynda, Temirjol vokzaly ǵımaratynyń ishinde, Ekibastuz qalasynda Lenın kóshesinde, Aqtaý qalasynda 4 jáne 14 shaǵyn aýdandaryndaǵy ekrandarda, Petropavl qalasynda oqýshylar saraıynyń ekranynda translıasııalanady.
«Kelesi aıda atmosferalyq aýanyń jaı-kúıi týraly aqparatty Aqmola, Qostanaı, Batys Qazaqstan, Shyǵys Qazaqstan, Almaty jáne Jambyl oblystarynyń Led-ekrandarynda shyǵarý josparda. 2020 jyly joba Aqtóbe, Atyraý, Qaraǵandy jáne Qyzylorda oblystarynda, sondaı-aq Nur-Sultan, Almaty, Shymkent qalalarynda iske asady», delingen habarlamada.