Búgin M.О́temisuly atyndaǵy Oqýshylar saraıynda bilim salasynyń qyzmetkerleriniń kásibı merekesine arnalǵan saltanatty jıyn ótti, dep habarlaıdy elorda ákimdiginiń resmı saıty.
Bilim men tárbıe salasynda kórsetken joǵary jetistikteri úshin elordanyń úzdik ustazdaryna arnalǵan merekelik keshke Nur-Sultan qalasy Bilim basqarmasynyń basshysy Ánýar Janǵozın qatysty. Basqarma basshysy ustazdar qaýymyn kásibı merekelerimen quttyqtap, jyly lebizin bildirdi.
Kásibı mereke qarsańynda elordanyń 200-den asa muǵalimi Qazaqstan Respýblıkasynyń Bilim jáne ǵylym mınıstrliginiń Qurmet gramotalarymen, Alǵys hattarymen marapattalady. Aıta keteıik, muǵalimder men pedagogıka salasyna eńbegi sińgen ardager ustazdardyń esimi «Elordalyq bilimniń altyn qory» atty kitapqa enetin boldy. Ustazdar qaýymyna arnalǵan saltanatty shara QR eńbegi sińgen qaıratkeri Ardaq Balajanova men saksafonshy Erjan Dúısenbın, Qazaq Ulttyq horeografııa akademııasy ártisteriniń, M.О́temisuly atyndaǵy oqýshylar saraıynyń balalar shyǵarmashylyq ujymynyń konserttik baǵdarlamasyna ulasty.