S.Seıfýllın atyndaǵy Qazaq Agrotehnıkalyq ýnıversıtetiniń stýdentterine «Dinı ekstremızm men terrorızmdi nasıhattaıtyn ınternet resýrstardyń qaýpi» taqyrybynda dáris ótti. Dáristiń ótýine qalalyq Qoǵamdyq damý isteri basqarmasy men Din problemalaryn zertteý ortalyǵy uıytqy boldy, dep habarlaıdy elorda ákimdiginiń resmı saıty.
Nur-Sultan qalasynda dinı ekstremızm men terrorızmniń aldyn-alýǵa baǵyttalǵan aqparattyq-túsindirý toby jumys atqarady. Quramyna joǵary dárejeli dintanýshylar, teologtar men psıhologtar kiretin atalǵan top stýdent, jumys isteıtin jastar, ártúrli iri bazarlar ujymdary, qurylys kompanııalary jáne memlekettik qyzmetkerler arasynda destrýktıvti dinı aǵymdarǵa qarsy nasıhat jáne Qazaqstan
Respýblıkasynyń din salasyndaǵy Zańnamasyn túsindirýdi júrgizedi. Aqparattyq-túsindirý dárisi erkin suhbat formatynda ótti, stýdentter ózderin tolǵandyrǵan suraqtarǵa jaýap aldy. Uıymdastyrýshylardyń aıtýynsha, mundaı dárister qalanyń ózge de joǵary oqý oryndarynda jalǵasyn tabady.
Eske sala keteıik, elordada din salasyna qatysty arnaıy «2288» senim telefony jumys isteıdi. Qala turǵyndary men qonaqtary atalǵan nómirge habarlasyp, ózderin tolǵandyrǵa suraqtarǵa jaýap ala alady.