Memleket basshysy «Valdaı» halyqaralyq pikirtalas klýbynyń otyrysyna qatysý úshin Sochıge keldi. Bul týraly Prezıdenttiń baspasóz hatshysy Berik Ýálı Facebook paraqshasynda jazdy.
«Tústen keıin Qasym-Jomart Toqaevtyń Reseı Federasııasynyń Prezıdenti Vladımır Pýtınmen kezdesýi josparlanǵan. Sondaı-aq «Valdaı» halyqaralyq pikirtalas klýbynyń HVI otyrysyna qatysady. Bıylǵy shara álemdik saıası qurylymdaǵy Shyǵystyń rólin talqylaýǵa arnalady. Plenarlyq sessııadaǵy Qazaqstan Prezıdentiniń sóılegen sózin «Habar 24» telearnasynan Nur-Sultan qalasynyń ýaqytymen shamamen saǵat 20:00 men 21:00 aralyǵynda kóre alasyzdar. Pikirtalas barysynda qazirgi álemdegi geosaıası jaǵdaılarǵa Shyǵystyń yqpaly, Eýrazııa keńistigindegi saıası jáne ekonomıkalyq ózara is-qımyldardyń perspektıvalary, Taıaý Shyǵys máseleleri boıynsha sózjarystar bolady. Plenarlyq sessııalar barysynda Qazaqstan men Reseı basshylarynan basqa Ázerbaıjan Prezıdenti Ilham Alıev, Iordanııa Koroli II Abdalla jáne Fılıppın Prezıdenti Rodrıgo Dýterteniń sóz sóıleýi josparlanǵan», dep jazdy Berik Ýálı.
Eske sala keteıik, bıyl «Valdaı» halyqaralyq pikirtalas klýbynyń jumysyna 37 elden, 140-tan astam sarapshy qatysyp jatyr.