Jańaózen qalasy ákimdigi men «О́zenmunaıgaz» AQ bokstan Álem chempıony Bekzat Nurdáýletovke Toıota Kamrı 70 markaly avtokólik syılady. Bul týraly Jańaózen qalalyq mádenıet bólimi habarlady.
Jańaózen qalasynyń ákimi Maqsat Ibaǵarov chempıondy quttyqtap, ata-anasyna alǵysyn bildirdi. О́z sózinde qala ákimi sportshynyń bapkerlerin atap ótip, olardyń Bekzat Nurdáýletovtyń Álem birinshiliginde jeńiske jetýiniń basty sebepkerleri ekenin aıtty.
Sondaı-aq merekelik sharaǵa qatysqan qalalyq máslıhat hatshysy Saqı Myńbaı men «О́zenmunaıgaz» AQ transport jónindegi basqarýshy dırektor Aıtqalı Báshenov quttyqtaý sózin sóılep, sportshyǵa aldaǵy ýaqytta ótetin sport básekelerinde sáttilik tiledi.
Ekaterınbýrg qalasynda ótken bokstan álem chempıonatynda 81 keli salmaqta altyn medal ıelengen Bekzat Nurdaýletov álemniń tórt dúrkin chempıony, kýbalyq Hýlıo La Krýsty tize búktirgen bolatyn. Fınaldyq jekpe jekte ózbek boksshysy Dıldoshbek Rýzmetovty aıqyn basymdyqpen jeńdi.
Osyǵan deıin oblys ákimi Serikbaı Trumov Bekzat Nurdáýletovke páter kiltin syıǵa tartqan bolatyn. Jańaózen qalasy ákimdigi men «О́zenmunaıgaz» AQ birlese búgin chempıonǵa temir tulpar mingizip, boksshyǵa kórsetiler qurmetti jalǵastyrdy.