Bul týraly qalalyq energotıimdilik jáne ınfraqurylymdylyq basqarmasynyń basshysy Áset Masabaev jýrnalıstermen kezdesken kezde aıtty.
Energııa jınaqtaýshy jaryq dıodty shamdar elektr energııasyn 15 paıyzǵa únemdeýge septigin tıgizedi. Qala ákimi Baqytjan Saǵyntaevtyń tapsyrmasyna sáıkes, qazir Almatynyń 120 kóshesine jaryq berildi, al jyl aıaǵyna deıin 208 kóshege jaryq shamdaryn ornatý josparlanǵan. Negizinen jaryq jelileri Bostandyq, Jetisý, Túrksib, Alataý aýdandaryndaǵy buryn jaryǵy bolmaǵan kóshelerge tartylady.
Bul qalanyń qarańǵy kósheleriniń 30% jaryqtandyrýǵa múmkindik beredi.
Sondaı-aq Áset Masabaev ózekti máseleler retinde kóshe baǵdarshamdary, sý jelileri, gaz jelileri, ıesiz qalǵan jelilerdiń kanaldyq júıege ótkizý kerektigine toqtalyp ótti. Osy ýaqytta 208 kóshege konkýrstyq prosedýraǵa baılanysty tamyz aıynda kelisim shartqa qol qoıylǵan. Bul baǵytta qazirgi tańda kóshe baǵdarsham iletin, kabeldik jeliler engizý baǵyty boıynsha jumystar aıaqtalypty.
Almatyda qazir jaryǵy joq 1073 kóshe bar.
Qalanyń shet aımaqtaryndaǵy 744 kósheni jaryqtandyrý boıynsha jobalyq-smetalyq qujattar daıyndalýda.
Osy rette, Áset Masabaev 2014 jyly Almatynyń shetki aýdandaryna Túrksib, Alataý, Jetisý, Naýryzbaı aýdandary qosymsha taý bókterinen Bostandyq, Medeý aýdandary boıynsha jer telimderi qosylǵanyn eske salyp ótti. Budan bólek, Baqytjan Ábdirulynyń tapsyrmasyna sáıkes, múldem jaryq joq 1000 usaq kóshe, 887 aýla bar, kelesi jyldyń aıaǵyna deıin solardy jaryqtandyrý josparda tur.
Eske salaıyq, 16 shildede ótken kóshelerdi jaryqtandyrý boıynsha arnaıy jınalysta Baqytjan Saǵyntaev qalada aýlalardyń 52% jáne 26% kósheler jaryqtandyrylmaǵanyn aıtyp ótken bolatyn.
Osy rette ákimniń tapsyrmasy boıynsha jumystyń basymdyqtaryn ózgertip, barlyq qarajatty buryn eshqashan jaryqtandyrylmaǵyn kósheler men aýlalarǵa baǵyttady. Bul jumystar «Jańa Almaty» damý prınsıpine sáıkes jasalýda.