Reseıdiń «Sport-Ekspress» gazeti Qurlyqtyq hokkeı lıgasynda (QHL) óner kórsetip júrgender arasynda eń kóp eńbekaqy alatyn oıynshylardyń tizimin jarııa etti.
Baı-aýqattylar tizimin Sergeı Mozıakın bastap tur. Magnıtogorskiniń «Metallýrg» klýbynyń surmergeni túrli bonýstardy esepke almaǵannyń ózinde jylyna 180 mıllıon Reseı rýbli kóleminde eńbekaqy alady eken.
Ekinshi orynda – Naıdjel Doýs. Qazaqstan ulttyq quramasy men Ekaterınbýrgtiń «Avtomobılıst» klýby sapynda óner kórsetetin shabýylshynyń eńbekaqsy 150 mıllıon.
Úzdik úshtikti Qazannyń «Aq Barsynyń» juldyzy Danıs Zarıpov qorytyndylap tur. Onyń eńbekaqysy – 130 mıllıon.