Marokkonyń Marrakesh qalasynda ótip jatqan jastar arasyndaǵy álem birinshiliginiń ekinshi kúni de Qazaqstannyń dzıýdoshylaryna júlde buıyrmady.
Uldar arasynda 73 kılo salmaqta kúresken Baqytjan Abdýrahmanov Chehııa men Portýgalııa balýandaryn utqanymen, úshinshi kezdesýinde reseılik Georgıı Elbakıevke ese jiberdi. Osy báseke barysynda qandasymyz úsh shıdo aldy.
Qyzdar arasynda Merýert Sársenova (57 kılo) men Krıstına Sotnıkova (60 kılo) alǵashqy aınalymnan asa almady. Merýert ózbekstandyq Nılýfar Ermaǵambetovaǵa, al Krıstına kosovalyq Laýra Fazlýǵa jol berdi. 63 kılo salmaqta beldesken Aqerke Qulash úshinshi kezeńge deıin jetti. Bastapqyda ol Ońtústik Koreıa men Italııanyń ókilderinen aılasyn asyrǵanymen, vengrııalyq balýanǵa áli jetpedi.