27 qazanda «Hilton Garden INN Astana» qonaq úıinde «TKSh-ny Sıfrlandyrý: sapa men aıqyndylyq» atty is-shara ótedi.Ony «Zerde» Ulttyq aqparattyq kommýnıkasııalyq holdıngi AQ-nyń qoldaýymen Investısııa jáne damý mınıstrligi «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-men birlesip uıymdastyrady.
Is-sharanyń maqsaty – turǵyn úı-kommýnaldyq salasyn sıfrlandyrýǵa atsalysatyn barlyq qatysýshylar arasynda ashyq dıalog júrgizý, TKSh-ny sıfrlandyrýdyń jańa tásilderin usyný jáne biryńǵaı tásildi ázirleý, sondaı-aq, memlekettik organdar, jergilikti atqarýshy organdar men otandyq IT-ázirleýshiler arasynda dıalog ornatý. Halyqaralyq deńgeıde uıymdastyrylyp jatqan bul jıyndy ótkeretin oryn retinde Almatyny tańdap alý beker emes.
Turǵyn úı-kommýnaldyq sharýashylyǵyn sıfrlandyrý máselesinde ne isteımiz, ne qoıamyz degen baǵyttaǵy ashyq áńgime qashan da kerek.
Bul salany sıfrlandyrýda qazirgi úlken sharýa — sýǵa, jylýǵa, káriz júıesine, elektr qýatyna eseptegish quraldaryn ornatý bolyp otyr. Eseptegish quraldar degende, árıne, ondaı ólsheýish quraldar buryn da bar ekeni belgili. Biraq ýaqyt óz yqpalyn júrgizýde. Qazirgi trend jańa tehnologııalar, robottandyrý men avtomattandyrý eńbek resýrstaryna jáne adam kapıtalynyń sapasyna qatysty talaptardy kúrdelendirge basymdyq beredi. . Buǵan deıingi ólsheýish quraldary búgingi zaman damýynyń deńgeıine jaýap bere almaı jatyr. Sondyqtan qazirgi ýaqyt talaby — turǵyn úı-kommýnaldyq sharýashylyǵyna «aqyldy» eseptegish quraldar ornatýmen baılanysty.
Mamandardyń aıtýynsha, osydan bir jyl buryn sıfrlandyrý baǵdarlamasy qabyldanǵannan beri onyń alǵashqy qadamdary Qyzylorda sııaqty esperımenttik oblys bolyp bekitilgen óńirlerde jasalǵan. Investorlar izdestirilip, turǵyn úılerdiń jertólelerine álgi «aqyldy» eseptegish quraldar ornatylǵan. Mamandar onyń tıimdiligin turǵyndarǵa kórsetken.
Sıfrlandyrý deńgeıi boıynsha Almaty úshin eń basty básekeles - Máskeý.. Keıbir kórsetkishter boıynsha Almaty i 10 mıllıonnan astam halqy bar megapolıstermen tehnıkalyq túrde salystyra almaıdy. Biraq Almatyda qala halqynyń turmysyn ońtaılandyryp, sapaly qyzmetter aıasyn keńeıtýge barynsha jaǵdaı jasalyp jatyr. Sıfrlandyrý kúniniń aıasynda TKSh salasyndaǵy eń ózekti máselelerdi jáne olardy jańa sıfrlyq tehnologııalardy qoldaný arqyly sheshý joldaryn qarastyratyn dóńgelek ústel otyrysy uıymdastyrylady.Turǵyn úı-kommýnaldyq sharýashylyǵyn sıfrlandyrý boıynsha óz tájirıbesimen bólisetin shet elderdiń sarapshylary qatysady, dep kútilýde.
Munymen qosa, TKSh salasynda qazaqstandyq IT-sheshimderdiń kórmesin ótkizý josparlanyp otyr. Is-sharaǵa Qazaqstan Respýblıkasy memlekettik organdarynyń basshylary, oblystardyń, Astana, Almaty, Shymkent qalalary ákimdikteriniń, tabıǵı monopolııalardyń sýbektileri, «Azamattarǵa arnalǵan úkimet» AQ, IT-ázirleýshiler men Ulttyq kásipkerler palatasy janyndaǵy IT Keńestiń basshylary qatysady.